Popular Bible Verses from Markus 13

Share

Fu Mi ede no wan sma no o man si un na ai. Ma Gado sa ferlusu a sma di sa hori doro te na a kba.”

Fu dat'ede un mus tan na ai, fu di un no sabi oten a yuru o doro.

Te den kisi unu tyari go na krutu, un no abi fu broko un ede na fesi san un mus taki. Ma un mus taki san Gado o gi un fu taki a yuru dati. Bika a no unu sa taki fu unsrefi, ma a Santa Yeye sa meki un taki.”

Wan dei heimel nanga grontapu no o de moro, ma den sani san Mi taki o tan fu têgo.”

“No wan sma sabi a dei noso a yuru te a o psa. Den engel di de na heimel no sabi, èn a Manpikin srefi no sabi. Na a P'pa wawan sabi.

Te un sa yere tak' kondre e feti èn tak' feti de fu broko, un no mus skreki. Den sani disi mus fu psa, ma dati a no a kba ete.

So un mus de na ai. Bika un no sabi oten a man di abi a oso o drai kon baka. Un no sabi efu a o kon na neti, mindrineti, musudei noso mamanten. Un sorgu tak' te a drai kon baka, a no kon miti unu e sribi. San Mi e taigi unu, Mi e taigi ala sma: Un mus de na ai!”

Bika a wan folku o feti nanga a tra folku, èn a wan kondre o feti nanga a trawan. A gron o seki hebi na difrenti presi, èn angriten o de. Ma ala den sani disi na soso a bigin fu a tranga ten di o kon.

Bika fosi grontapu kba, sma fu ala folku mus yere a Bun Nyunsu.

Furu sma o du leki den na Mi. Den o taki tak' den na a Mesias, èn den o kori furu sma.

Ma un mus luku bun, bika den sa tyari un go na krutu, èn den o fon unu na ini den kerki fu den. Fu Mi ede den o srepi unu go na fesi granman nanga kownu. Dan un mus teki den okasi dati fu ferteri den fu Mi.

Sma o kon di o du leki den na a Mesias. Trawan o du leki den na profeiti. Den o du wondru èn den o meki un si marki. Nanga dati den o suku fu kori den sma di Gado ben teki gi Ensrefi.

“Ma ini den dei baka a pinaten dati, a son o kon dungru èn a munkenki no o gi faya. Den stari o fadon kmopo na loktu, èn ala den makti di de na loktu o seki.