Popular Bible Verses from Lako Yani 2

Share

A sa rogoca na Kalou na nodra tagi, ka sa nanuma na nona yalayala vei Epara-ama, vei Aisake, kei Jekope. A sa raica na Kalou na nodra vakabobulataki na Isireli, ka sa kauwaitaki ira.

Sa qai mate na tui Ijipita ni sa oti e vuqa na yabaki. Ia era se tagi voli ga na Isireli ena vuku ni nodra vakabobulataki, ka ra sa tagi vua na Kalou me ra vukei.

Ia ni sa tubu cake na gone, a sa kauti koya lesu tale vua na luvena yalewa na tui, a sa susuga me luvena. A sa kaya, “Ni'u a dreti koya tani mai wai, au na vakatoka kina me yacana o Mosese.”

A sa kaya vua na luvenitui, “Kauta na gonetagane oqo ka qaravi koya ena vukuqu, ia ka'u na saumi iko ena vuku ni nomu veiqaravi.” A sa kauta na gone na yalewa ka qaravi koya.

A sa lako sobu mai na luvenitui goneyalewa me mai sisili e uciwai ka ra a lako vata mai kei ira na nona dauveiqaravi. Sa qai raica o koya na kato ena veikuta ka mani tala yani na nona vada me la'ki kauta mai.

Ni sa tamata levu sara o Mosese, a sa lako yani vei ira na wekana, o ira na Iperiu, ka sarava na nodra vakasaurarataki ena cakacaka vakabobula. A sa raica talega e dua na kai Ijipita ni mokuta tiko e dua na Iperiu, na kai nona. A sa veiraiyaki, ia ni sa sega ni dua e raici koya, a sa qai mokuta mate na kai Ijipita ka buluti koya ena nuku.