Popular Bible Verses from Lako Yani 23

Share

Ia mo ni qaravi Jiova ga na nomuni Kalou, au na vakalougatataka na kemuni kakana kei na memuni wai, ka'u na kauta tani na mate dauveitauvi mai vei kemuni. Ena sega ni dua na marama me vakalutu se sega na luvena ena nomuni vanua. Au na vakabulabulataki kemuni.

“Au na tala na noqu agilosi me liutaki kemuni, me vakarurugi kemuni ka tuberi kemuni ena sala mo ni yacova kina na vanua ka'u sa vakarautaka vei kemuni.

Ia kevaka o ni na vakarorogo vua ka vakayacora na veika kece sa kaya, au na yaco me'u kedra meca na kemuni meca ka'u na cudruvi ira era sa cudruvi kemuni.

Mo ni kakua ni muri ira na lewe vuqa ena caka ca; ni o ni sa soli i vakadinadina ena veilewai, mo ni kakua ni tokoni ira na lewe vuqa me vakatanitaki kina na lewa matau ka dodonu, ka mo ni kakua talega ni totaka e dua baleta ni sa dravudravua ena gauna e veilewaitaki kina.

“Mo ni kakua ni dauvakauta na i tukutuku lasu. Mo ni kakua ni vukea na tamata ca ena vuku ni nomuni soli i vakadinadina lasu.