Popular Bible Verses from Lako Yani 5

Share

Ni sa oti o ya, e rau a qai lako o Mosese kei Eroni vei tui Ijipita ka kaya vua, “Sai koya oqo na vosa i Jiova, na nodra Kalou na Isireli, ‘Mo laivi ira na noqu tamata me ra lako, me rawa ni ra la'ki qarava na solevu tabu ena vukuqu ena vanua lala.’ ”

Me tekivu mai na gauna ka'u a lako kina vua na tui ka vosa ena vukumuni, a sa qai vakatekivu me vakacacani ira vakaca sara na nomuni tamata. Ia oqo, o ni sa sega ni vakayacora e dua na ka me ra vukei kina!”

A sa vuki tale vei Jiova o Mosese ka kaya, “Kemuni na Turaga, a cava o ni sa vakasosataki ira kina vakaoqo na nomuni tamata? A cava o ni a vakatalai au mai kina kike?

Ia sa qai kaya na tui, “O cei o Jiova? A cava me'u mai vakarorogo kina vua ka laivi ira na Isireli me ra lako? Au sa sega ni kilai Jiova, ka'u na sega ni laivi ira na Isireli me ra lako.”

Ia me ra rawata tikoga na i wiliwili ni biriki ka dau rawa e liu, ka me kakua ni vakalailaitaki o ya, baleta ni ra sa rui vucesa; oqori na vuna era sa tagi kina ka kaya, ‘Laivi keimami me keimami lako ka vakacaboisoro vua na neimami Kalou.’ Me vakabibitaki na cakacaka e soli vei ira; era na qai cakacaka vakaukauwa kina ka sega ni vakarorogo ki na vosa e veivakacalai.”