Popular Bible Verses from Jn. 17

Share

Mĩ meka chanĩmakõi. Mĩ mekapa ato sharafafe mia keskara shara inõfo.

Meres fisti mĩ Nioskõi. Akka ẽfi Jesucristo nã mĩa nĩchini. Nã noko tãpiafo nãfo nipanakafo.

“Ẽkai ato fistiõxõ kĩfifafãinima. Nã ea Ifofaafãfe ato yoiaifono nikakaxõ ea Ifofaxikani. Nãskakẽ ẽ mia ato kĩfixõfafãini nã nõ shinãi keskara fisti shinãnõfo. Mĩ efe imis keskai nãfori nofe inõfo. Nõ ato fe tanaima niaito õikakĩ a ea chanĩmara faafãfema akairi chanĩmara fanõfo mĩ ea nĩchini.

“Akka ẽ mia yoima na mai anoa mĩ ato ifinõ. Akka ẽ mia yoi na mai anoa mĩ ato kexesharanõ Satanás chakata ato afeska fanõma.

Mĩ efe imis keskai ẽri ato fe imiski. Nã nõ shinãi keskarafo akairi shinãnõfo. Mĩ efe ika keskarari ẽri ato fe ikaki. Akka nã mĩ shinãi keskarafo nõri shinãtiro. Mĩ õiti keskara nõ itiro. Akka mĩ ea atoki nĩchini. Nã mĩ ea noiai keskari fakĩ nãfori mĩ ato noikõi. Mĩ askafaino nã ea chanĩmara faafãfema tãpitirofo.