Popular Bible Verses from Juan 10

Share

Ja ralakꞌom tok nbe cuqꞌuin ja tak carnelo bien rchꞌobonel chi neꞌerlakꞌajto, nercamsaj in neruyoj. Pro ja ranin inpenak cuqꞌuin nunyaꞌaꞌ jun cꞌacꞌa cꞌaslemal chique in ma ruyon tariꞌ pro nnoji chakajaꞌ jun nimlaj quicotemal chipan ja quicꞌaslemal.

Anin in ajyukꞌ ja ni katzij wiꞌ chi in utzlaj ajyukꞌ. Ja utzlaj ajyukꞌ arjaꞌ matipokonaj ncam pa quicuenta ja tak carnelo.

Ja tak ncarnelo ejeꞌeꞌ nquicꞌaxaj ja nukul in ninquinimaj, anin nenwajoꞌ, bien wotak janiꞌ quinaꞌoj in ejeꞌeꞌ netreꞌ chwij.

Anin nyaꞌ chique ja utzlaj cꞌaslemal ja mta qꞌuisic trij, ni maquebe wiꞌ chipan ja nimlaj rpokonal in majun nak ta xquelasan ta pa nukꞌaꞌ.

Anin cꞌariꞌ ja rin rchiꞌ corral, xcꞌa nak ta ja xturkaj wqꞌuin jariꞌ ntotaji in nyataj tre xa nak ta ja ncꞌatzin tre, caniꞌ chique ja tak carnelo ejeꞌeꞌ nyataj chique chi neꞌeli neꞌoqui chipan ja quicorral, tok neꞌelto nquewil ja buen tak kꞌayis in nquetij.

Anin in jun ajyukꞌ ja ni katzij wiꞌ chi in utzlaj ajyukꞌ, nenwajoꞌ ja tak ncarnelo in bien wotak janiꞌ quinaꞌoj in queriꞌ quibanon chwe anin chakajaꞌ

Ja Nataꞌ arjaꞌ xeyoꞌ chwe in arjaꞌ más kꞌaxnak chi na rchokꞌakꞌ chiquewach canojelal in majun nak ta xquelasan ta pa rukꞌaꞌ. Anin xa ok junan ruqꞌuin ja Tatixel, neꞌe ja Jesús chique.

caniꞌ kabanon ruqꞌuin ja Tatixel, arjaꞌ ninrajoꞌ in bien rotak janiꞌ nnaꞌoj in queriꞌ nbanon anin tre chakajaꞌ, in anin matinpokonaj nincam pa quicuenta ja tak ncarnelo.

Ja wixta mta ngana nincami maquincami, majun nak ta ncowin ta chwij chi ninrcamsaj ta pro jariꞌ ni ngana wiꞌ chi nyaꞌ wiꞌ chipan ja camíc. Wqꞌuin anin cꞌo wiꞌ como nincowini nyaꞌ wiꞌ chipan ja camíc in nincowini nincꞌastaj chic chipan chakajaꞌ. Jariꞌ bin chwe rmal ja Nataꞌ chi queriꞌ nban. Queriꞌ xbij ja Jesús chique.

Ja cꞌa Jesús xbij chic jutij chique: —Anin cꞌariꞌ ja rin rchiꞌ corral ja bar neꞌoc wiꞌ ja tak carnelo.

Pro ma queriꞌ ta nqueban ja xa etojon ja ma katzij ta chi e ajyukꞌaꞌ, ejeꞌeꞌ ma e quixin ta ja tak carnelo in wi quetzꞌat chi pi jun itzel chicop ejeꞌeꞌ nequeyaꞌ can ja tak carnelo in neꞌanmajel. Ja cꞌa ritzel chicop arjaꞌ neruchap ja tak carnelo in nerchicaj.

Cꞌacꞌariꞌ xbij chic: —Ja tzij xtinbij chewe riꞌ ni katzij wiꞌ, tok cꞌo jun nrajoꞌ noc chipan jun corral quixin tak carnelo pro wi ma triꞌ ta noc wiꞌ ja bar wasan can wiꞌ ruchiꞌ ja corral, ja wi xa junwiꞌ njoteꞌ wiꞌ in nkaj chipan jariꞌ xa jun alakꞌom in camsanel chakajaꞌ.