Popular Bible Verses from Juan 7

Share

Caniꞌ nbij ja rtzobal Dios, ja winak ja nyukeꞌ quecꞌuꞌx wqꞌuin cꞌoli rkan tak yaꞌ ja congana xtipulinto pa tak canma pro juleꞌ yaꞌ ja rcꞌamonto ja utzlaj cꞌaslemal ja mta qꞌuisic trij. Queriꞌ nbij, neꞌe ja Jesús chique.

Ja tok xerilaꞌ ja qꞌuisbal kꞌij rxin ja nmakꞌij jariꞌ kꞌij ja más nim rukꞌij, peꞌi ja Jesús chiquewach ja winak in quewaꞌ xbij chique riꞌ: —Ja wi cꞌo jun chewe nunaꞌ chakichiꞌ tipeti wqꞌuin camic, turtijaꞌ ja yaꞌ ja cꞌo wqꞌuin.

Queriꞌ xbij chique como jariꞌ nnatbej rxin ja rEspíritu Santo ja nyataj na chique ja winak ja yukul quecꞌuꞌx ruqꞌuin ja Jesús. Pro ja rEspíritu Santo majaꞌn titakto triꞌ como ja Jesús majaꞌn tibe ruqꞌuin ja Tatixel pa gloria.

Maxta tebilaꞌ ril jun winak ja tok ma ewotak ta bien ja wi ril ja xuban owi ma ril ta. Bien techꞌoboꞌ rij rwach nabey ja wi katzij chi ril ja xuban. Queriꞌ xbij ja Jesús chique.

Ja wi cꞌo jun achi nuyaꞌ jun tijonem in wi xa arjaꞌ winakarsyon nojoj ruyon jariꞌ bien kꞌalaj chi nrajoꞌ nya̱ꞌ rukꞌij cumal ja winak pro wi cꞌo jun nrajoꞌ chi nya̱ꞌ rukꞌij ja takyonpi rxin jariꞌ kꞌalaj chi ni katzij wiꞌ ja nbij in ni majun engaño nuban.

Ja cꞌa Jesús xbij chique: —Ja tijonem nyaꞌ anin ma anin ta inwinakarsyon, ja winakarsyon jariꞌ ja Tatixel ja takyonpi wxin.

Como ja chewe ixix, ja winak mta moda itzel ta xquixquetzꞌat pro ma queriꞌ ta chwe anin, xa itzel ninquetzꞌat rmal ja nmajon rkꞌalasaxic chiquewach ja ritzelal nqueban.