Popular Bible Verses from Lucas 10

Share

Bien tecꞌwaxaj ja xtinbij chewe riꞌ, camic anin nyaꞌ poder chewe in wi ecꞌoli ja cumatz xqueꞌepakꞌ owi sinaꞌy jariꞌ mta nak ta xteban ta cumal. In chakajaꞌ nyaꞌ chewe chi nixcowini nekajsaj nojel ja poder ja cꞌo pa rukꞌaꞌ ja Satanás. Ni majun nak ta xtibano ta pokon chewe.

—Marta, atat qꞌuiy rwach ja ramajon rbanic in xa nakꞌisaj awiꞌ rmal in ntiꞌon chawe chakajaꞌ. Pro cꞌo jun ja más na ncꞌatzin chawe chi naban ja más na utz jariꞌ ja ntajini nuban ja María camic in majun nak ta xtilasan ta tre ja tijonem ja ntajini ncꞌaxaj, neꞌxi ja Marta rmal ja Jesús.

—Quewaꞌ nbij riꞌ: —Tawajoꞌ ja Dios ja rawajaw pro nojel acꞌuꞌx tawajoꞌ, in nojel awanma in nojel awachokꞌakꞌ in nojel anaꞌoj tawajoꞌ chakajaꞌ. Ja caniꞌ nawajoꞌ kaj awiꞌ ayon queriꞌ cꞌa tabanaꞌ chique ja raprójimo, queꞌawajoꞌ chakajaꞌ. Queriꞌ nbij, neꞌe ja rachi.

Quewaꞌ xbijel chique riꞌ: —Ni katzij wiꞌ nbij chewe, ja winak ejeꞌeꞌ e caniꞌ jun nimlaj tijcoꞌm ja kꞌen chic ja utz chic nba̱n cosechar pro ja rajsamajelaꞌ ja nebano cosechar quixin xa ma e nim ta. Rmalcꞌariꞌ nbij chewe, tebanaꞌ orar, tecꞌutuj tre ja Rajaw ja cosecha chi nerutakto ja rajsamajelaꞌ chi neꞌurquibanaꞌ cosechar ja winak.

Ja tok bitaji ja cꞌambal tzij rmal ja Jesús quewaꞌ xbij chic tre ja maestro riꞌ: —Camic tabij chwe, ja chawe atat ¿nak chique ja roxiꞌ achiꞌiꞌ ja xoc rprójimo ja rachi ja chap cumal ja ralakꞌomaꞌ? neꞌ tre. —Ja pokonan rwach, neꞌxi rmal ja maestro. —Camic jat, tabanaꞌ atat ja caniꞌ xuban ja raj Samaria, neꞌe ja Jesús tre.

Camic tecꞌamaꞌel ja bey, bien tewotakijel chi ixix ix caniꞌ juleꞌ tak carnelo in ja winak ja bar nixnutakel wiꞌ ejeꞌeꞌ e caniꞌ utiwaꞌ.