Popular Bible Verses from Romanos 3

Share

Reta men mtsow kuu went, ne ndoblot zha ndya zha lo Diox. Per por yalwen chaan Diox kayaa Diox reʼaa, taxal zha nali ne mtelaa Diox reʼaa, por kuu mtsow Jesucrist.

Nakaa zha nali lo Diox, tak nyelaazaa Jesucrist ne por Jesucrist reta men tak gak zha nali lo Diox, tak lalta nak reta men lo Diox.

Mlaa Diox nguth Jesucrist delant lo re men por retalee, leettsa mxo Jesucrist ren por lee, tsa wen kwinaa kon Diox tak nyelaazaa nguth Jesucrist; ne mloo Diox wlipaa nke leettsoo Diox reʼaa, kona mxek leettsoo Diox mne Diox reʼaa lo reta kuu went kuu mtsowaa ndala, tsa ne re men nal tyemp ree lee Diox wlipaa nali nak, ne tsa ne re men lee Diox kayaa men, taxal zha nali tak nyelaaz men Jesucrist.

Gagt gakaa zha wen lo Diox, anta por nyelaazaa ley. Tak por lee ley neʼaa re kuu went ne por lee ley neʼaa nakaa zha kuu ndab falt.

Taxal nke lo xkeets Diox: ¡Thitanax neeka thib zha nali yent! ¡Neeka thib zha! Neeka thib zha nyente, neeka thib zha nkwaant Diox. Reta zha mlaa zha Diox, reta zha mzhen net went, lalka ngok re zha myaan bxen zha. ¡Yent neeka thib zha kuu ntsow kuu wen! ¡Neeka mase thib zha! [Sal. 14:1-3]

Kuu yelo nin lo goo nak, nkib Diox falt zha, tsa gak zha zha nali lo Diox, tak nyelaaz zha Jesucrist, ne nagte, tak nzhon zha diiz kuu nzhab lo ley.

¡Nagte tata! Thibka ntsow Diox kuu ni Diox, tegal reta men nak zha kuu nkedi; tak lo xkeets Diox nzhab: Diox reta men ne, nali naka lo re kuu niʼa, ne os cho naab kwent loʼa, lu tsow gan. [Sal. 52:4]