Popular Bible Verses from LUUKAS 19

Share

Dhiꞌ jɨꞌ ji na ñich bha ja gaagam na mɨt jumai boi bhaan bhɨi na paiꞌ maiꞌx chɨ gɨɨxiꞌ, aañ na ñich bhaankam bha jii gu Dios. Baꞌ guiꞌ nañ jɨꞌk ja tɨɨgim, gio miꞌp ja tuttuim iñ bhaan gu boi na paiꞌ cham maiꞌ ka tɨ gɨɨxiꞌ.

Jup kaiꞌchim am: ―¡Jix oiꞌm jir gɇꞌkam dhiꞌ na bhaankam ya oirɨ gu Dios, gam na joidham jix uañ kɨꞌn kɨɨk! ¡Jix bhaiꞌch chaatɨt jach gɇꞌkamtuꞌndaꞌ gu Dios jix dhaam nat xich joiꞌmdak bach chɨɨ!

Baꞌ gu Jesuus jup tɨtda: ―Puꞌjani jaꞌk jir tuꞌm kaꞌ am guiꞌ nam tuꞌ sɨlhkam jir bopxiꞌñ kaꞌ gu Abraam. Aap baꞌ xib yaꞌ dɨr jaꞌp jaꞌk cham tuꞌ mu jaꞌk ka jim nap paiꞌ gammɨjɨ gɨt miꞌ pup jum tulhiiñdhaꞌ.

Baꞌ am pup tɨɨ gu Jesuus gu Sakeo na bhaiꞌ dhaa tua taꞌm nat mi jaꞌp ji buus, baꞌp tɨtda: ―Sakeo, xi chɨmnɨk bhaiꞌ dhɨr tua taꞌm maiꞌ xiñ baidhak mum kiꞌaam kuñ miꞌ xi chɨbiapui. Baꞌ jotmodaꞌ xi chɨmnɨk bhaiꞌ dhɨr tua taꞌm gu Sakeo ba baidhak gu Jesuus mu na paiꞌ kio cham jax ji chɨꞌɨɨk.

Baꞌ gu Sakeo xi kɨkbok jup tɨtda gu Jesuus: ―Aañ jaꞌpni ɨlhiiꞌñ jiñ jaduuñ. Bɨɨx nañ jɨꞌk tuꞌ tu biaꞌ, ɨrban juugɨt jañ ja makiaꞌ guiꞌ nam cham tuꞌ biaꞌ ni jɨꞌx. Guꞌ baꞌ noꞌ ñich jaroiꞌ tuꞌ ɨɨx, maakobim jaꞌkbuiꞌñ jaꞌk buidhaꞌ jɨꞌk nañ tɨ ɨɨxdhaꞌ.

Baꞌ jɨꞌkchi gu pariseos nam jup jiim, mɨjɨ dɨr jaꞌp ja saagiꞌñ gu jaꞌtkam jup tɨtda am gu Jesuus: ―Jich jaduuñ, ja ñiokdhaiñ dhim jaꞌtkam tuk. Jax ñam pɨx kaiꞌchim. Baꞌp ja tɨtda gu Jesuus: ―Jax gi dhui nam guꞌ dhi joodai pɨx jiiñak jup suulhgiaꞌ na miꞌñi jaꞌp daraa noꞌ ñich tɨip xi ja ñiok nam cham ñiokdaꞌ dhiñ jaꞌtkam tuk, aañ moo yaꞌ pu jam tɨtda.