Popular Bible Verses from San Juan 11

Share

Tonses in Jesús okilwij: ―Nej nikinyolitis in mikkamej iwan Nej nikinmakas nemilistle. Akin nechneltoka, maski mikis, moyolkuis iwan kipias nemilistle katlej mach keman tlamis. Iwan nochtin katlej ok yolitokej iwan nechneltokaj, mach keman mikiskej. ¿Tikneltoka tlan nimitzilwia?

Jesús okinankilij: ―¿Amo onimitzilwij tla tikneltokas, tikitas imawisotlanex in Dios?

Iwan Jesús ochokak.

Nijkuak okikakke in Jesús okijtoj: ―Yon kokolistle mach kimiktis, sino ika moteititis iweyikixtilis in Dios. Iwan ika yon kokolistle noijki ika moteititis noweyikixtilis Nej katlej niiKone in Dios.

Nijkuak otlanke ijkón okijtoj, ijkuakón okijtoj chikawak: ―¡Lázaro, xiwalkisa! Iwan Lázaro katlej omikka okiske kikimilitiwitz ika tzotzole itech ikxiwan iwan itech imawan, iwan ixkikimilitiwitz ika se tzotzole kej payoj. Iwan Jesús okinmilwij: ―Xiktotomakan iwan xikkawakan ma wia.

Jesús oksemi omoyolkokoj iwan omijkuanij kan toktok in Lázaro. Oyeka ijtik se mikkakuyoktle, okamatzaktoka ika se tetl patlaktik.

Satepan Jesús okinmilwij: ―In tokni Lázaro kochtok, iwan Nej nikijxitis.