Popular Bible Verses from San Lucas 19

Share

Porke Nej katlej onimochij nitlakatl oniwalaj onikintemoko iwan onikinmakixtiko katlej mopolojtokej.

Okijtoayaj: ―¡Ma Dios kitiochiwa in Rey katlej okualtitlanke in toTajtzin Dios! ¡Ma tlayolosewto itech ilwikak, iwan ma tikweyikixtikan toTajtzin Dios katlej kajki ilwikak!

Jesús okilwij: ―Axan yomomakixtijkej in tlakaj de yin kale. Porke yin Zaqueo noijki walajtok nelwatl de Abraham iwan tlaneltoka ken Abraham otlaneltokak.

Nijkuak Jesús opanok ik ompa, otlachixke ik ajkopan iwan okilwij: ―Zaqueo, xitemo totoka, porke axan nikneki nimokalotis mokalijtik. Tonses in Zaqueo otemok totoka, iwan okiresibiroj in Jesús ika pakilistle.

Satepan Zaqueo omoketzke iwan okilwij in Señor: ―Señor, nikinmakas in pobrestin tlajko de nochi tlan nikpia. Iwan tla akaj onikajkayaj para oniktlachtekij, nikkuepilis nawi buelta okachi de tlan onikixtilij.

Ijkuakón sekimej fariseos katlej ompa oyekaj inwan in tlakaj, okilwijkej in Jesús: ―Tlamachtij, xikinmajwa momomachtijkawan katlej ijkón kijtaj. Pero Jesús okinnankilij: ―Nej namechilwia, tla yejwan mokamatzakuaskej, in temej tzajtziskej.