Popular Bible Verses from HECHOS 2

Share

Kidáā ne, kakaꞌán Pedru ni ñā: —Natuꞌvi nto kuétsi nto ntaꞌa Xuva kō ne, kutsi ntute nto xé un xé un nto kuēnta iña Jésuu, vata koo é kāda kaꞌnu iní Xuva ko kuētsí nto ne, taꞌxi ña Espíritū Sántū é kunūu ña nima nto.

Ña sāꞌá ne, dōo dé ntaa ña un ntɨꞌɨ̄ é nañéꞌe pustrú san ña ne, dōo dé ntaa ña nataká nuu ña é kātsin dava ña tañúꞌu nī é kāꞌan ntâꞌví ña ni Xuva kō dɨ.

Kidáā ne, ínūu Espíritū Sántū san nima ñá ne, eni ntuꞌu ñā ntákaꞌan ña é tūku e túku túꞌūn, tsí xeꞌe Espíritū Sántū san é kūvi kaꞌan ña.

Dā nénī ñá uun káñuꞌū tsí nte e dukún kan, vatā ó te tātsin dóo ntii kainu ne, koó da kakeꞌxen nī kava má viꞌī mí ntoo ña. Kidáā ne, ntii díto ñuꞌu kaiꞌxi. Kaxiꞌí nuu ñuꞌu san dɨkɨ ñá xe un xé un ñā. Kidáā ne, ínūu Espíritū Sántū san nima ñá ne, eni ntuꞌu ñā ntákaꞌan ña é tūku e túku túꞌūn, tsí xeꞌe Espíritū Sántū san é kūvi kaꞌan ña.

Utén utén nátaká nuu ña ini ukún kaꞌnu kān ne, dadɨɨ éꞌxi ña nú viꞌi ña kān, katsín dava ña tañúꞌū. Dōo diní ñuꞌu nima ñá ne, ntē ña ni de náꞌnu ña ni tāꞌan ña. Da mii kuēꞌen tsi é nānuꞌu ñá iní ña Xuva kō ne, dōo váꞌa kaꞌan ñáꞌa san íña ña. Utén utén ne, dukuān ntákutɨ̄tɨ́n ñaꞌa, ña nakáku Xuva kō.

Te xēe táꞌān ntuvi é ntɨ̄ꞌɨ ñuxiví ne, táxnūú u Espíritū Sántū ko é kunūu ña nima ñáꞌa, ña ntoo dá kanɨɨ ñūxivi. Kidáā ne, káꞌan iꞌxā ntó, te tíi, te ñadɨ̄ꞌɨ, naá ko. Na kuetsī sán ne, vata koo kuvi é nākueni na, kiní na é nāñeꞌé u na. Ñatā sán ne, ñuu ení kān nañēꞌé u ña nté koo kuvi rkontuvi.

Ña kuíntiꞌxe i sán ne, dadɨɨ tsi ika ña ne, uun tsi nima ña. Kaxntii tāꞌan ñá ni da nēé ka é īo iña ña. Dīko ña iña míi ña ne, dā nákeꞌnté dava ña diuꞌun i, tsíꞌi ña ntaꞌa taꞌan ña xé un xé un ña vata kaa é kātaan núu ña.

Dā xoó ka ñaꞌa, ña é kaku niꞌi i Tóꞌo kō ne, nakáku ña, kaꞌan Jóeé san kídaā.

Kuneé ngantií ne, koko kuēꞌe kueꞌé xoo, vata ito nɨñɨ, diꞌna tē xee táꞌan ntuvi é naīnu Tóꞌo kō. Kidáa ntūvi e dóo kaꞌnu, e dóo váꞌa ō.