Popular Bible Verses from SAN LUCAS 3

Share

Dá kanakūtsi ntute Juaán san un ntɨɨ́ ntɨ̄ɨ́ ñaꞌa sán ne, ītsi ntute Jesuu ntáꞌa Juaán san dɨ. Dá kakāꞌan ntâꞌví Jesuú ne, ura dúꞌva tsi nákaan xíꞌi e dukún kān. Dítō tsi véꞌxi daxi daxi Espíritū Sántū san vata kaa paloma é nākuntéku dɨkɨ ñá ne, dā téku ña uun tatsín e dukún kān é kākaꞌan: —Dɨvīn é iꞌxá miī kó e dóo ntio ko. Dɨvīn é nakaxnúu ú o —kaꞌan tátsín san ni ñā.

Ntá tsi Juaán san ne, kakaꞌan ñá ni ūn ntɨɨ́ ntɨ̄ɨ́ ñaꞌa san: —Xuꞌú ne, kūdii ntute kadáꞌvi ú nto da kanakūtsi ntute ú nto ne, ntá tsi véꞌxi ūun ñaꞌa, ña e dií dií ka kaꞌnu é xuꞌu, é ntē ña kainuu áꞌvi ko é nantúte ú xoꞌo ntiꞌxen ña. Dɨvi ñā ne, ñá tē ntúte dāꞌvi ñá nto, tsí Espíritū Sántu sán dāꞌví nuu ña nto, ni ñūꞌu é kaiꞌxi.

Váꞌa tsī koo vií nto vata koo e díto é nadama ntiꞌxe nima nto. Ñá ku kaꞌān ntó ni tāꞌan nto: “Xoꞌō né, tatá viꞌi Abraan o”. Kakaꞌán u tsí Xuva kō ne, kuvi ntada ña xuu tatá Abraán tē dɨ́ ntio ña.

Dukuān ne, é iō tuꞌve káa ntee é nakɨ̄ɨn ntɨꞌɨ ña utun sán un tsi nte nú ditsin i. Un ntɨɨ́ ntɨ̄ɨ́ utun é ña kakíi kɨtɨ vāꞌá i ne, katsin ña ne, dá kāꞌmí ña —kuān o kaꞌán Juaán san ni ñāꞌa san.

Sáꞌā kúvi vata ō xnteé naꞌa ña kaꞌán naa Xuva ko, ñá nani Isāia, kakáꞌan ña: Xée ñūu îtsí kān uun tatsin é un ntii tsi kākaꞌan: “Nākoo túꞌve ntó itsi Xuva kō; nakaán nuu nto itsi ntaa mí kɨ̄ꞌɨn ña. Un ntɨɨ́ ntɨ̄ɨ́ xɨꞌntɨ́ ne, ntadɨ́ nuu. Míꞌi īó xuku ni tɨꞌɨ̄ í ne, ntuntaa. Itsi mi dóo nakutáꞌnu ne, ntuntaá dɨ. Itsi mí ña váꞌā o ne, ntuváꞌa dɨ. Kidáā ne, un ntɨɨ́ ntɨ̄ɨ́ ñaꞌa san kiní ña ña é taxnúu Xuva kō é nakakū ñá kō”, kuan ō kaꞌan tatsín san. Duꞌva ō kaꞌan Isáiá san.