Popular Bible Verses from Mateo 11

Share

I₂nó'₅ 'nia'₂ ja₁con₂ jniá₂, ca₂le₃jɨ́n'₃ 'nia'₂ i₂qui₂ma₂'ú'₃ dsɨ́₅, i₂qui₂le₁quian₅ guei₂, jaun₂ cuë₅₄ jniá₂ ja₁jan'₄ 'nia'₂.

Gue₄ 'nia'₂ ta₁ quió₃ a₂cuë́₅ jniá₂ 'nia'₂, jme₁tɨn₅ 'nia'₂ jmó'₂ ján₃, 'a₂ lia'₂ lɨ́n₅ jniá₂, ia₁ juɨn'₂ dsɨ₃ lɨ́ng₅, meg'₂ bá₄ lë́₅ dsɨ₃; jaun₂ le₂në₅ bá₄ dsi₁nó'₅ 'nia'₂ dsiang'₂ ja₁jŋia₃ të₂'au'₂.

Ia₁ ta₁ a₂cuë́₅ jniá₂ 'nia'₂, on₃jua'₅₄ a₂'ua'₂ ta₁; ján₃ bá₄ le₂jaun₂ on₃jua'₅₄ a₂guei₂ cán'₁ 'nia'₂ a₂cuë́₅ jniá₂ 'nia'₂.

Jaun₂ ca₂tsɨ́'₃ dsa₂: ―O₄gu₃ jniá₂ ma₂ca₂dsia₃ Ŋe'₃ ca₂le₃jë́₃. 'I₁jan₂ tsá₃ 'ein₂ cuɨn₅ Ja₁ŋi'₅₄ Diú₄ 'a₂ lia'₂ të₃dsón'₂ lɨ́in₅, jŋia'₅₄ lia'₂ 'ŋiog₅ bá₄ Jmei₂; ján₃ bá₄ 'i₁jan₂ tsá₃ 'ein₂ cuɨn₅ Jmei₂ 'a₂ lia'₂ të₃dsón'₂ lɨ́in₅, jŋia'₅₄ lia'₂ 'ŋiog₅ bá₄ Ja₁ŋi'₅₄ táng₃, ján₃ bá₄ jme₃jniai₂₃ ja₁con₂ i₂'nio₃ le₃ŋi₅.

Jaun₂ ca₂ŋag₃ Jesús: ―O₂nó'₅ 'nia'₂ o₂chei'₅₄ Juan₅₄ 'e₂ a₂të₅ ne'₅₄ 'nia'₂ la₂, 'e₂ a₂nag'₂ 'nia'₂ në́₃. O₂dsia₄ 'nia'₂ 'a₂ lia'₂ lë́₅ qui₂jág₅ dsa₂ ten₄; dsa₂ i₂jme₁guian'₅₄ guë'₂ në́₃, ma₂i₂nioi₅₄ rë'₂ táng₃; dsa₂ i₂jme₁lɨ́n₄ 'mé'₅ 'iog₅ ma₂le₁jɨ́in₃ táng₃ dso₄ a₂jme₁lɨ́in₄; dsa₂ i₂jme₁guɨn₄ guë'₂ në́₃ ma₂nag₂₃; dsa₂ i₂ma₂dsan₃, jein'₅₄ táng₃; ja₁con₂ dsa₂ te₂ŋé₂ në́₃ dsɨ₂'ag₅ jág₁ dse₃ la₂ a₂lión₂ dsa₂.

Juɨ₁lia'₂ i₂le₁dsɨ₅₄ rë₂gua₄, juɨ₁nei₅₄.