Popular Bible Verses from Juan 15

Share

<<Noqaqa üvaspa troncunmi kä. Qamkunanam rämäkuna kayanki. Tsëmi noqawan juknölla kawarqa alli wayuq rämanö këkäyanki. Noqawan juknölla mana kawarqa ima rurëtapis manam puëdiyankitsu.

<<Noqawan juknölla kawayë. Tsënö kawayaptikiqa noqapis qamkunawan juknöllam këkäshaq. Troncunchö mana këkaq räma manana wayushqannömi qamkunapis noqawan mana juknölla karqa Teyta Dios munashqannö kawëta puëdiyankitsu.

<<Noqawan juknölla karqa y yachatsiyashqaqnö kawarqa llapan mañakayämashqëkitam chaskiyanki.

<<Manam qamkunatsu akrayämarqunki, sinöqa noqam qamkunata akrayarquq. Tsënö akrayarquq mëpa ëwarpis alli wayuq rämanö kar allikunata rurayänëkipaqmi y tsë rurayashqëkikuna imëpis këkänanpaqmi. Tsënö kawakuyaptikim noqapa shutïchö imatapis mañakuyashqëkita Teytä qoyäshunki.

Rasunpa kuyakuq kaqqa yanasan rëkur wanurpis wanurinmanmi.

Mëqan rämäpis mana wayuptinqa Teytämi muturinqa. Mana wayuqkunata muturirpis wayuq kaqtaqa mas wayunanpaqmi shumaq llümapanqa.

<<Mandamientüqa këkan qamkunata kuyayashqaqnö jukniki juknikipis kuyanakuyänëkipaqmi.

Tsënöpam alli wayuq üvasnö kar rasunpa discïpulükuna këkäyanki. Tsënö kawayaptikim Teytäta alabayanqa.

Tsëpitanam Jesús kënö nirqan: <<Noqam rasunpa kaq üvaspa troncun kä. Teytänam üvas uryaq.

Pipis noqawan juknölla mana kawarqa jawanpita mutushqa rämanömi tsakiriyanqa. Tsakiriyaptinnam ëllurir ninaman jitëkuyanqa.

Tsëkunata niyaq noqa kushishqa kawashqänö qamkunapis kushishqa kawayänëkipaqmi.

Mandamientükunata cumplirqa rasunpam kuyëkäyämanki. Tsënöllam noqapis Teytäta kuyar mandamientunkunata cumplï.

Mandamientü ima nishqantapis yapëmi niyaq: Jukniki jukniki kuyanakur kawayë.

Jutsata rurar kawayaptikiqa Diosta mana cäsukuq nunakuna kuyayäshunkimanmi. Tsënö kaptinpis Teyta Dios munashqannö kawayaptikim chikiyäshunki. Pë munashqannö kawayänëkipaqmi qamkunata akrayarquq.