Popular Bible Verses from Juan 17

Share

<<Willakïnikiqa rasun kaqmi. Willakïniki nishqannö kawayänanpaq yanapëkullë.

Wiñë kawëyuqkunam qamta reqiyäshunki y noqatapis reqiyäman. Tsënöpam käyiyan japallëki Dios kashqëkita y noqata kachamanqëkita.

<<Manam discïpulükunallapaqtsu mañakamü, sinöqa willakuyashqanta chaskikur noqaman markäkamuqkunapaqpis mañakamümi. Teyta, noqantsik juknölla kashqantsiknö kikinkunapurapis y noqantsikwanpis juknölla kawayänanpaq yanapëkullë. Tsënö kawayashqanta rikarmi wakin nunakunapis käyikuyanqa kachamashqëki Cristo kashqäta.

Chikiyaptinpis manam kë patsapita pushakunëkipaqtsu mañakuq, sinöqa Satanáspita tsapëkunëkipaqmi.

<<Käyitsimashqëkinöllam willakïnikita käyitsirqü. Tsënöpam noqantsik juknölla kashqantsiknö pëkunapis juknölla kayanqa. Juknöllam pëkunawan kä y qampis noqawan juknöllam kanki. Tsënöpam pëkunapis juk shonqulla kuyanakur kawayaptin kachamashqëki Cristo kashqäta nunakuna käyikuyanqa. Tsënöllam käyikuyanqa noqata kuyamashqëkinö pëkunatapis kuyashqëkita.