Popular Bible Verses from Juan 6

Share

Jesúsnam nirqan: <<Noqam kawatsikuq tanta kä. Noqata chaskimaq kaqqa imëpis mananam mallaqanqanatsu ni yakunanqanatsu.

Manam pipis kikinllapitatsu wiñë kawëta tarin, sinöqa Espïritupitam. Noqa yachatsishqäqa Espíritu Santupita karmi wiñë kawëta qoyäshunëkipaq këkan.

Ushakaq mikïllapaqqa ama uryayëtsu, sinöqa wiñëpa kawatsikuq mikïta tariyänëkipaq uryayë. Tsë mikïtaqa Nunapa Tsurinmi qarayäshunki. Tsëpaqmi Teyta Dios kachamushqa>>.

Pëqa munan llapanpis Tsurinman creyiqkuna wiñë kawëta tariyänantam. Pëkunataqa juiciu junaqchömi kawaritsimushaq>>.

Jesúsnam nirqan: <<Teyta Diospa uryëninqa këkan kachamushqanman markäkuyashqëkim>>.

<<Teytä qomashqan nunakunaqa llapanmi chaskiyäman. Noqata chaskimaq kaqkunataqa manam pitapis qarqushaqtsu.

Tsëmi Simón Pedro kënö nirqan: <<Tëtë, qampita mas jukqa manam pipis kantsu qatiyänäpaq. Nishqëkikunaqa wiñë kawëta tariyänäpaqmi këkan.

Noqam ciëlupita shamuq kawëkaq tanta kä. Pipis kë tantata mikurqa wiñë kawëtam tarinqa. Kë tantaqa kikïpa ëtsämi. Nunakuna wiñë kawëta tariyänanpaqmi ëtsäta sacrificiutanö Teyta Diosman qoykushaq>>.

Kachamaq Teytä mana käyitsiptinqa manam pipis chaskimanmantsu. Chaskimaqkunataqa juiciu junaqchömi kawaritsimushaq.

Tsë tantaqa ciëlupita shamuq nunam këkan. Pëmi pïmëtapis wiñë kawëta qonqa>>.

<<Noqam kawatsikuq tanta këkä.

Tsë pitsqa tantata Jesús tsarirkurnam Teyta Diosta mañakur payllä nikurqan. Tsëpitanam tsëchö tëkaq nunakunata [discïpulunkuna] rakiyarqan. Tsënöllam pescädutapis rakiyarqan. Rakiyaptinmi llapanpis pacha junta mikuyarqan. Nunakuna mikuriyaptinnam discïpulunkunata kënö nirqan: <<Katukunata llapanta ëlluyämï. Ama imatapis perditsishuntsu>>.

Juk lëwatanö ëwëkarnam Jesústa rikäyarqan yaku jananpa pëkuna kaqman ëwëkaqta. Tsëta rikëkurmi alläpa mantsakäyarqan. Tsëmi Jesús nirqan: <<¡Noqam kä! ¡Ama mantsakäyëtsu!>>