Popular Bible Verses from San Lucas 17

Share

Niꞌr gudxëꞌ bönniꞌ naꞌ Jesús, rnëꞌ: ―Gyas len böaj lidxuꞌ. Chböacuꞌ dxiꞌa le réjlëꞌu nedaꞌ.

Zal‑laꞌ gadx lzu tu dza guꞌë döꞌ quiuꞌ, len gadx lzu caꞌ guidëꞌ ga zuꞌ len guiëꞌ liꞌ: “Rubíꞌi ladxaꞌa”, ral‑laꞌ unít lauꞌ lëꞌ.

Niꞌr tuëꞌ bönniꞌ nutsëꞌë ladjquëꞌ, catiꞌ ráquibeꞌinëꞌ chnuhuöaquëꞌ dxiꞌa, böjëꞌ ga naꞌ zoëꞌ Jesús, ruíꞌteczëꞌ zidzj didzaꞌ, rguꞌë Dios yöl‑laꞌ ba. Byechuëꞌ len butság lahuëꞌ lyu lahuëꞌ Jesús, len rëꞌ Lëꞌ: “Xclenuꞌ.” Nababëꞌ Samaria bönniꞌ ni.

Gul‑gún chiꞌi cuinliꞌ. Chquiꞌ guꞌë döꞌ quiuꞌ böchiꞌ lzaꞌu, bzejniꞌ‑nëꞌ, len chquiꞌ ubíꞌi ladxëꞌë, bnit lau lëꞌ.

Niꞌr Jesús rëꞌ lëꞌ: ―¿Naruꞌ cu guluhuöaquëꞌ dxiꞌa chiëꞌ bönniꞌ? ¿Gazx nacuaꞌtsëꞌ yezícaꞌrëꞌ bönniꞌ naꞌ?

Rëꞌ lequëꞌ Xanruꞌ, rnëꞌ: ―Laꞌnaruꞌ nac cuidiꞌz yöl‑laꞌ rejlëꞌ queëliꞌ Dios, nacz ca xseydauꞌ mostaza, huac guiëliꞌ yag zxön ni: “Bcuit ni, yajsóa lu nis zxön”, atiꞌ gun ca rnaliꞌ yag naꞌ.

Nu bönniꞌ rëꞌnnëꞌ gun chiꞌë yöl‑laꞌ naꞌbán queëꞌ, unitiëꞌ lei, san bönniꞌ unitiëꞌ yöl‑laꞌ naꞌbán queëꞌ, udel‑lëꞌë lei.

Rëꞌ bönniꞌ daꞌquëꞌ Lëꞌ Jesús, rnëꞌ: ―Nacuaꞌtecz le tun ga lun dul‑laꞌ bunách, san bicaꞌ bayechiꞌ nu naꞌ run ga nu gun dul‑laꞌ. Dxiꞌar gac queëꞌ bönniꞌ naꞌ runëꞌ cni, nu ugal‑laꞌ yag yenëꞌ guiöj ryëtu len tsajchúꞌn lëꞌ lu nis zxön, catiꞌl gunëꞌ ga gun dul‑laꞌ bö́nniꞌdauꞌ náquinëꞌ quiaꞌ.

Ca naꞌ guc dza niꞌ zoëꞌ Noé, lëzcaꞌ cni gac catiꞌ gdxin dza huödaꞌ nedaꞌ, Bönniꞌ Nuhuöaquëꞌ Gdu Bunách. Dza niꞌtë naꞌ gliꞌj glahuëꞌ. Gulutság naꞌquëꞌ len guludödëꞌ zxiꞌnquëꞌ lu yöl‑laꞌ rutság naꞌ ga bdxintë dza gyaziëꞌ Noé lëꞌi barco zxön naꞌ nazíꞌ lei arca, atiꞌ bdxintë nis guiöj usnít yödzlyú le busnít yúguꞌtëꞌ.