Popular Bible Verses from San Mateo 10

Share

Gnëꞌ caꞌ Jesús: ―Gul‑yutscaꞌ, nedaꞌ rsölaꞌa lbiꞌiliꞌ, gacliꞌ ca böꞌcuꞌ zxílaꞌdauꞌ taꞌdabaꞌ ga dzöꞌbaꞌ böꞌcuꞌ zugaꞌ sniaꞌ. Gul‑gác sinaꞌ ca naccbaꞌ sinaꞌ bël sniaꞌ, san gul‑gác caꞌ nöxj ladxiꞌ ca naccbaꞌ budödauꞌ.

Nu ruiꞌ ladxiꞌ gun chiꞌi yöl‑laꞌ naꞌbán qui, unít lei, san nu unít yöl‑laꞌ naꞌbán qui le daꞌ nedaꞌ, ulá nu naꞌ.

Cutu gádxiliꞌ nup tuꞌdödi gdu ca nayáꞌ nabingac bunách, san cutu gac lusnít böꞌ nacczruꞌ. Gul‑gadxi Dios, Nu naꞌ gac gdödi gdu ca nayáꞌ nabinliꞌ len chuꞌn böꞌ nacczliꞌ lu guiꞌ gabíl.

Nu cusíꞌ lu nëꞌi gac ca tu bönniꞌ zajtë́ꞌë lëꞌi yag cruz, len taꞌ nedaꞌ, cutu nac lsacaꞌ nu naꞌ gaqui quiaꞌ nedaꞌ.

Gnëꞌ caꞌ Jesús: ―Nu bönniꞌ siꞌ lu nëꞌë nedaꞌ laugac bunách, nedaꞌ siꞌ lu naꞌa bönniꞌ naꞌ lahuëꞌ Xuzaꞌ zoëꞌ yehuaꞌ yubá. Bönniꞌ taꞌdáꞌbaguëꞌë laugac bunách, taꞌnë́ꞌ cutu taꞌdë́ꞌë nedaꞌ, lëzcaꞌ cni nedaꞌ táꞌbagaꞌa lequëꞌ lahuëꞌ Xuzaꞌ zoëꞌ yehuaꞌ yubá.

Gul‑ún nup teꞌi. Gul‑gún dxiꞌa nup teꞌi huëꞌ nudzuꞌ ruzö́d. Gul‑spán nup chnatgac. Gul‑bíj böꞌ xöhuiꞌ yuꞌugac bunách. Bennzaꞌ queëliꞌ yöl‑laꞌ uná bëꞌ ni. Gul‑gún dxin lei, cutu bi uquizxjliꞌ.

Qui lë ni naꞌ, cutu gádxiliꞌ. Ruiꞌtër ladxëꞌë lbiꞌiliꞌ Dios ca ruiꞌ ladxëꞌë‑baꞌ zianbaꞌ bguindauꞌ.

Gnëꞌ caꞌ Jesús: ―Cutu gáquiliꞌ zaꞌa dguꞌa yödzlyú ni le rbequi dxi bunách. Cutu zaꞌa dguꞌa le rbequi dxi, san zaꞌa dguꞌa le gun ga laꞌrúj chopl bunách.