Popular Bible Verses from Methali 13

Share

Anayeandamana na wenye hekima hupata hekima, lakini anayejiunga na wapumbavu atapata madhara.

Achungaye mdomo wake huyahifadhi maisha yake, anayeropoka ovyo hujiletea maangamizi.

Asiyemwadhibu mtoto wake hampendi; lakini ampendaye mwanawe humrudi mapema.

Tumaini la kungojangoja huumiza moyo, lakini tazamio linalotimia ni mti wa uhai.

Uadilifu huwalinda wenye mwenendo mnyofu, lakini dhambi huwaangusha waovu.

Mali ya harakaharaka hutoweka, lakini akusanyaye kidogokidogo ataiongeza.

Kiburi husababisha tu ugomvi, lakini kwa wanaokubali shauri jema mna hekima.

Mtu mwema huwaachia urithi uzao wake, lakini mali ya mwenye dhambi imerundikiwa waadilifu.

Mtoto mwenye hekima husikia maagizo ya baba yake, lakini mwenye dharau hasikilizi maonyo.

Umaskini na fedheha humpata asiyejali mafundisho, lakini mwenye kusikia maonyo huheshimiwa.