Popular Bible Verses from MATEO 22

Share

Jøts nwɨndsønꞌa̱jtɨm Jesús tꞌadsøøy: ―“Wɨndsøꞌøgɨ ja Dios amumjoojt, jadeꞌen xtsokt ma̱ba̱a̱t myajada̱ꞌa̱ky mꞌanmɨja̱ꞌwɨn, ma̱ba̱a̱t myajada̱ꞌa̱ky mꞌa̱a̱w mjoojt.” Yøꞌ ɨdøꞌøn møj jøts yøꞌ ɨdøꞌøn jawyenɨp. Jøts ñɨñayjadeꞌen ja myɨmajtskpɨ, yɨdeꞌen ja wya̱ꞌa̱ñ: “Jadeꞌen mmɨguꞌuk xtsokt sa̱m køꞌøm mnachøkyɨn.”

Yøꞌøbɨ kutujk majtsk møj midi ja Moisés tø tja̱ꞌa̱y jap kyutujkjøtpy, jøts midi ñɨga̱jpxtɨp ja Dios kyugajpxy ku yikꞌɨxpøktɨ.

Kumɨ may ja yjayikwa̱a̱dsowdɨ øy pøn, jøts waanɨts jaꞌadɨ pøn yikꞌaꞌejxɨdɨp.

Kuts jadɨgojk ja ooꞌkpɨ yjujkpyøktɨt nɨpøn kyaꞌukꞌamajtskɨñɨt, kaꞌ pøn yꞌuꞌnk ñøøx tkøya̱kt jøts ja yꞌamajtskɨt, jadeꞌents ja chɨnaañɨdɨt sa̱m a̱nkɨlɨstɨ midi jap tsa̱jpjøtpy.

Tukꞌejxtɨk øts ja meeñ midi myiktundɨp ku ja kugubajt xya̱ktɨ. Jøts ja ojts tꞌatskondɨ tuꞌuk ja pujxmeeñ. Ku ja ojts tꞌukꞌixy ja nwɨndsønꞌa̱jtɨm Jesús, jøts ja tyiktɨɨy: ―¿Pøn yøꞌ wyeen yꞌa̱a̱w, jøts pøn yøꞌ xyøøw ɨxa kyøxja̱ꞌa̱yɨ? Jøts ja tꞌadsoodøø: ―Ja nwɨndsøn. Wɨnets ja ñɨma̱a̱jyɨdɨ ja nwɨndsønꞌa̱jtɨm Jesús: ―Yøꞌøts meets yø wɨndsøn mmoꞌop midi yø yjaꞌajtpy, jøts Dios yø xmoꞌodɨt midi Dios yjaꞌajtpy.