Popular Bible Verses from San Juan 19

Share

Na' beyož gwxop Jesúsen' vinon' na' gwne': ―Bac̱h goc yogo'ḻoḻ da' cheyaḻa' gac. Nach bc̱heque' yic̱hjen' gote'.

Gwde na' Jesúsen' ba ṉezde' bac̱h goc yogo' da' cheyaḻa' gac. Nach cont goc can' ža yelate' Xtiža' Diosen' da' nyojen gwne': ―Chbiḻda' nis.

Na' cate' Jesúsen' ble'ede' zecha xṉe'en gaḻa'ze len to beṉe' naque' ḻe' txen, beṉe' chaquechgüe Jesúsen' ḻe', nach gože'ne': ―Bena' gaque' ca xi'iṉo'. Nach gože' bena': ―Bži'ilaže' xṉa' nga ca xṉao'. Na' žana' gwque'ene' bene'ne' ca beṉe' ḻo' yo'o.

Na' cate' besežine' gan' da' Jesúsen', besele'ede' ba gote' na' bich goseyišjue' ṉi'e ca'. Perw to soldadon' godoe' lanza cuit ḻe'e Jesúsen', na' ḻa' bchojten chen len nis.

Na' goc da' ca' len Jesúsen' cont goc can' ža Xtiža' Diosen' da' nyoj c̱he', žan: “Ṉe to žit yo'e bi yeseyišjue'.” Na' yeto da' žan: “Yeseṉe'e ben' ba bosožie' güe'.”

Na' Jesúsen' zeje' no'e yag cruz c̱hen' na' besežine' to latje nzi' Latje c̱he Žit Yic̱hj Beṉe' Guat, na' diža' hebreo nzin' Gólgota.

Na' soldadw ca' gosone' to corona de xis yeše' na' bosozoen' yic̱hj Jesúsen' na' bosoguacue'ne' to lache' moradw ca da' chosoc̱hin no rey.