Popular Bible Verses from LUCAS 17

Share

Dzigo bliso me zha co ga, rëb me lo zho: ―Porne dib zdoo luu goṉ bnalo luu Dios, gane biac luu. Bzë, peet tsieniedraa guic luu.

Niicle teḻne nzian vuelt sca guṉ zho falt lo luu tib dze, beeṉ zho perdon zeeṉe laa zho rbig rnab zho perdon lo luu.

Lo gza zho, hor co rias tib zho wbire, nguiedz rnee zho: ―¡Zha ndzontaa Dios! ¡Goḻwi gaṉle laa me beeṉguiacle naa! Zigne bdziṉ zho lo Jesús, pquiitsgzhib zho lo me, haxta bdziṉ lo zho lo liu, rdeed zho xquizh lo me. Tib zha Samara, zha zit nac zho.

¡Goḻguieṉ sca ndzinli goḻgac! Tib bets tow, zeeṉe pe tib falt guṉ zho lo to, goḻnee lo zho guṉdraa zhow; teḻne gnab zho perdon, goḻguṉ zho perdon.

Dzigo rëbchaa Jesús: ―¿Yoraazhe grë zha co waa? Conque tsii zho name beeṉguiac naa.

Pquiab me rëb me: ―Teḻ niaca miṉe gzoob ne rnalole to Dios siquier lal tib midz moxtaz, niicle ncuaaṉe mazdraa ngaṉ gnab to lo me, zuṉ mew.

Grëse miech, zha ne sca rquianë zdoo grë ncuaaṉe rap zho, ible znitlo zho xquieḻmban zho; saṉgue zha ne rquiad zdoo grë ncuaaṉ co, haxta xquieḻmban zho rbeeladz zhow, nitlod zho.

Tib vuelt rëb Jesús lo xpëëdscuel me: ―Nac lo guidzliu rii, ib guṉfalte ncuaaṉe rgogui miech guṉctal zho xtoḻ zho, ¡per probsaxe zha ne rquiil samiech ruṉctal zho xtoḻ zho! Mazd zhi guieḻnëw lo zho ygadoo tib quie molin zhobxtil yaṉ zho tsieroṉ zho zho nisdoo, lëdle guieḻnëdox ne gaṉ zho; sac goṉ doḻ nroob ga guṉ zho yquiil zho zha ndooladz ne no xnëz naa.

Leṉ dze ne guiaḻ naa ga, grë miech ne ndxie lo guidzliu gaḻ hor co, zhaa grë ncuaaṉe tsonie guic zho. Rsoladz to gaṉle zha rac miech leṉ dze ne biaad Noé, leḻ lo grë zhilni zho no zho, zha ne notsieelnia, zha ne nobediiṉ xpëëd, tibaque zeeṉe biaa zho biini laa guiedox co psilole. Laa Noé nole leṉ barcw, laa zho biaaṉ grëse zho bnitlo lo nis co. Scadaa nagoṉ no miech leṉ dze ne guiaḻ naa.