Popular Bible Verses from San Marcos 2

Share

Naꞌ cati babe Jesús cabëꞌ unayaquëꞌ, naꞌra unënëꞌ rëbinëꞌ leyaquëꞌ: ―Yaca benꞌ biraca z̃hueꞌ, biruen zi guida médico ta yeyuenëꞌ leyaquëꞌ. Pero nu benꞌ raca z̃hueꞌ, sí ruen zi guida médico. Quele zaꞌ rëz̃aꞌ benꞌ nazi bibi xquia rue, dechanꞌ zaꞌ rëz̃aꞌ benꞌ reꞌen yez̃i dulaꞌ xquia quie.

Caora blëꞌë Jesús cabëꞌ bëyaquëꞌ rzudyiꞌilëyaquëꞌ lëbëꞌ de que huacanëꞌ yeyuenëꞌ benꞌ z̃i, naꞌra unë Jesús rëbinëꞌ benꞌ z̃i: ―Bichaꞌ, baoz̃iꞌz̃iaꞌ dulaꞌ xquia quioꞌ.

Naꞌ unëꞌ rëbinëꞌ leyaquëꞌ: ―Udixu Diuzi dza huezilaꞌadyiꞌ ta gacalën yaca benëꞌ. Quele udixu Diuzi dza huezilaꞌadyiꞌ ta gaca xaꞌnyaquëꞌ.

Pero biuz̃aqueꞌ tzuꞌulëyaquëꞌ benꞌ z̃i luꞌu yuꞌu ganꞌ zë Jesús, danꞌ nitaꞌ benꞌ zë. Quie lenaꞌ urëyaquëꞌ lun yuꞌu, udubayaquëꞌ yaga dacoꞌ lun yuꞌu, bzuyaquëꞌ tu yëro ta pchizayaquëꞌ belaga layu ga z̃uba benꞌ z̃i.

Pues nacaꞌ bichi yugulu benëꞌ. Naꞌra uluꞌenaꞌ leꞌe de yelaꞌ rnabëꞌ quiaꞌ lao yedyi layu ta yeziꞌz̃iaꞌ dulaꞌ xquia quie yaca benëꞌ. Naꞌra una Jesús rëbinëꞌ benꞌ z̃i: ―Rniaꞌ luëꞌ, uyasa, beziꞌ belaga quioꞌ, beyo z̃an yuꞌu quioꞌ.

¿Ca nurlan nacaran yalo huaꞌ quie benꞌ z̃i niga? ¿Nacaran yalo chi yëpaꞌnëꞌ: “Aoz̃iꞌz̃iaꞌ dulaꞌ xquia quioꞌ”, o chi yëpaꞌnëꞌ: “Uyasa, beziꞌ belaga quioꞌ, bezaꞌ beyo”?

Caora naꞌ uyasa benꞌ z̃i, beziꞌnëꞌ belaga quiëꞌ, zeyoguëꞌ, udenëꞌ ganꞌ nitaꞌ yaca benëꞌ. Naꞌ bëyaquëꞌ Diuzi benꞌ z̃e unayaquëꞌ: ―Ni tu lasa binelëꞌëro cabëꞌ bë benꞌ ni.