Popular Bible Verses from ÉXODO 16

Share

Huan nopa masehualme quinilhuiyayaj: ―Más cuali eltosquía sintla TOTECO techcahuilijtosquía ma timiquica ipan tlali Egipto. Nepa timosehuiyayaj nechca nopa chachapali catli temitoya ica nacatl huan titlacuayayaj hasta tiixhuiyayaj, pero ama antechhualicatoque ipan ni huactoc tlali para antechapismictise. Huajca TOTECO quiilhui Moisés: ―Nijchihuas para tlacualistli ma huetzi tlen ilhuicac quen quema tlaquiyahui. Huan mojmostla nopa israelitame monequi quisentilitij san catli quitequihuise ipan nopa tonal. Nijnequi niquitas ajqueya quineltocas catli niquilhuis huan ajqueya, amo.

Huan nopona ipan nopa huactoc tlali, nochi pejque quintlaijilhuíaj Moisés huan Aarón.

Huan Moisés quiijto: ―Ica tiotlac TOTECO anmechmacas nacatl para antlacuase, huan ica ijnaloc anmechmacas pantzi hasta mocahuas, pampa quicactoc para amojuanti anquitlaijilhuijque. Amo tojuanti antechtlaijilhuijtoque. Tojuanti amo tleno topati. Pero quena, anquitlaijilhuijque TOTECO.

―Nijcactoc quen noca camanaltij huan nechtlaijilhuíaj ni israelitame. ‘Xiquinilhui para quema tiotlaquiyas, quicuase nacatl, huan ica ijnaloc quicuase pantzi hasta ixhuise. Quej nopa quimatise para na niDIOS, niininTECO.’