Popular Bible Verses from Luke 10

Share

Lissen! I wen give you guys da powa fo you walk on top snakes an scorpions, an you guys get da powa fo win ova da one dat stay agains us, az Satan. You guys get plenny mo powa den Satan get. An notting goin hurt you guys.

Jesus, Da One In Charge, tell Marta, “Marta! You stay bum out, bodda you bout plenny stuff! But you ony need one ting. Mary wen pick da mo betta ting, an nobody can take dat away from her.”

Da teacha tell, “Go all out fo show love an aloha fo yoa God, Da One In Charge. Show yoa aloha wit eryting inside you, wit how you feel, wit how you tink, an wit all yoa powa. An go all out fo show love an aloha fo erybody jalike you get love an aloha fo you.”

He tell um, “Get plenny peopo, dey jalike da crops, but ony get litto bit guys fo harves dem. So, tell Da One In Charge dat own da crops fo sen out mo guys fo bring in da harves.

“From da three guys, who you figga go all out fo show love an aloha fo da guy dose bad guys wen bus up?” Da teacha guy tell, “Da guy dat show pity fo him.” Jesus tell, “You go make lidat too!”

Go! I sen you guys out, jalike fo sen bebe sheeps wea da wild wolfs stay.