Popular Bible Verses from Luke 17

Share

Den Jesus tell da guy, “Stan up! Go! You wen trus me, dass how you wen get outa trouble.”

If he do one bad ting fo hurt you seven time in one day, an he come back by you seven time, an tell, ‘I fo real kine sorry, an I no goin do dat no moa,’ den no stay huhu wit him. Let um go.”

One a da guys see dat he wen come good. He come back, an tell good stuff bout God wit one loud voice. He go down by Jesus feets, an tell him “Mahalo plenny!” He one guy from Samaria.

So watch out wat you do! “If yoa braddah do bad kine stuff, scold um. If he come fo real kine sorry cuz a dat an no do um no moa, den no stay huhu wit him, but let him go.

Jesus tell, “Get ten guys dat come clean from dea sick, aah? Wea da odda nine?

Da One In Charge tell, “If you trus God litto bit jalike one small mustard seed, you can tell dis mulberry tree, ‘Pull yoa roots up an go plant um in da ocean,’ an da tree goin do um.”

Whoeva try hang on to his life goin lose um. An whoeva give up his life goin hang on to um.

Jesus tell da guys he stay teach, “Tings dat make peopo do bad kine stuff goin happen, but bummahs fo da guy dat make anodda guy do bad kine stuff! Mo betta take one big stone, tie um aroun da guy neck, an throw him inside da deep ocean fo drown, fo him no make even one a my small kids hea do bad kine stuff.

“I da Fo Real Kine Guy, an wen I come back, goin be jalike befo time wen Noah stay. Dat time da peopo wen eat an drink, dey marry an give dea girls fo marry, till da day Noah go inside da big boat. Den da big watta come an kill all da odda peopo.