Popular Bible Verses from YOHANÉS 10

Share

Ata tako, mai kaut te tako agu te mbelé, agu te pandé cipot taung; mai Daku kudut isé paéng mosé agu paéng héla-haé.

Akuy ata lami jimbal hitut di’a. Ata lami jimbal di’a, oké mosén latang te sanggéd jimbaln

Sanggéd jimbal Daku séngét reweng Dakus, agu Aku pecing taungs isé, agu isé lorong Akus

agu Aku téing isé mosé tédéng lén, agu isé poli itan muing toé manga calangd dengkir lén, agu toé kéta cengatan te rumbu isé oné mai limé Daku.

Aku ho’o cama ného para; Céing ata ngo lut Akuy onén, hia te mo’éngy, agu hia te nggere-oné-nggere-pé’angy te kawé remang oné satar.

Akuy ata lami jimbal situt di’a, agu pecings Laku jimbalg, jimbal Daku kolé pecing Akus

Ema Daku ata téing isé oné Aku, céwé mésén oné mai céing kaut agu toé kéta cengatan ata ngancéng rumbu isé oné mai limé de Emag. Aku agu hi Emag, cakm kali.”

cama ného hi Ema pecing Akuy, nenggitu kolék Aku pecing hi Ema, agu Aku oké moség latang te sanggéd jimbalg.

Toé cengatan te ngancéng emi oné mai Akun, maik téings Laku lorong ngoéng nai Rug. Aku manga kuasag te téing, agu manga kuasag te emi kolén. Ho’oy perénta ata tiba Laku oné mai Emag.”

Te cangkalin kolé taé de Mori Yésus: “Aku taé agu méu, moro matan, Akuy parad jimbal situ.

maik ata pala hitut toé ata lami laing, agu toé ata ngarad jimbal situ, émé ita main serigala, pencangs jimbal situ, itu kali losin, wiga serigala hitu cekel agu pandé mbihi-mbehars jimbal situ.

Aku curup agu méu: Moro matan, céing ata ngo oné kandang jimbal, toé lorong paray onén, maik tuké lut pété bana, hia hitu ata takoy agu ata rampoky