Popular Bible Verses from SAN JUAN 6

Share

―Ñi'ya̱ ndu'ni tyaja lo'o ndye ndyacu na ji'i̱, jua'a̱ cua'ni na' lo'o ñati̱, si xñi ngu' cha' jna' ―nacui̱ Jesús li'―. Ta na' sca chalyuu ji'i̱ ngu' su xcui' ndyaala' ti' ngu' ―nacui̱ Jesús ji'i̱ ngu' bi'―. Lo'o lcaa ñati̱ nu tyu'u cha' ji'i̱ ngu' lo'o na', nga'aa jña la ngu' xa' lo na cacu ngu'; lo'o xñi ngu' cha' jna', nga'aa tyucua nguityi ngu' li' ―nacui̱―.

Nu xtyi'i nu ta Ni cha' tyanu ne' cresiya ji'na, bi' laca nu nda chalyuu tso'o ji'na; si'i xqui'ya juersa nu ntsu'u ji'i̱ cuaña' ti na lu'ú na ―nacui̱ Jesús―. Lo'o jua'a̱ lcaa cha' nu nda na' lo'o ma̱ juani, cuentya ji'i̱ sca na nu ta ycui' Ndyosi ji'i̱ ñati̱ laca cha' bi', sca cha' nu tyu'ú ne' cresiya ji'i̱ ñati̱ laca bi'; caja chalyuu ji'i̱ ngu' si taquiya' ngu' ji'i̱ cha' bi'.

Tso'o la ―nacui̱ Jesús li'―, si cua'ni cña ti' ma̱ cha' caja sca cha' nu talo ji'i̱ ma̱; chañi cha' tyaala' ti' ma̱ li', si caja chalyuu nu ná nga'a̱ cha' tye ji'i̱ ma̱. Nu na cacu na ni, xtyi'i ti talo na bi', yala ti quiñu'u̱ na bi'. Pana na' nu lijya̱a̱ cha' caca na' ñati̱, ta na' sca cha' tso'o ji'i̱ ma̱ nu cua'ni cha' tyaala' ti' ma̱, lo'o ná tye tsiya' ti cha' bi' ji'i̱ ma̱ ―nacui̱―. Na cua nda ycui' Ndyosi Sti na' chacuayá' jna' cha' ta na' cha' tso'o bi' ji'i̱ ma̱.

Nde laca cña nu nti' Sti na' nu cua nda jna' lijya̱a̱ cha' caca: cua nti' Ni cha' ná tye chalyuu su tyi'i̱ ngu' lo'o Ni, lcaa ñati̱ nu ndyuloo jna' cha' laca̱ Sñi' Ni, lcaa ñati̱ nu xñi cha' jna'. Lo'o li' chañi cha' cua'ni na' cha' tyu'ú ngu' chaca quiya' lo'o cua tye ti chalyuu.

―Ndi'ya̱ laca cña nu nti' ycui' Ndyosi cha' cua'ni ma̱ ―nacui̱ Jesús―. Xñi ma̱ cha' jna', cha' na' laca̱ Sñi' ycui' Ndyosi, cha' cua nda Ni 'na lijya̱a̱ chalyuu.

Lcaa ñati̱ nu cua nda Sti na' jna', ngu' nu ngusñi cha' jna' ni, caca ngu' bi' ñati̱ 'na li'. Tucuá na' cha' ji'i̱ ngu' bi', ná culo'o na' ji'i̱ ngu' cha' tyaa ngu' chaca se'i̱.

Li' nguxacui̱ Simón Pedro cha' ji'i̱ Jesús: ―Cusu' ―nacui̱―, ¿ma nde ntsu'u chaca se'i̱ su tsaa ya cha' cuna ya lcaa ña'a̱ cha' liñi nu nchcui' nu'u̱? Ná nga'a̱ cha' tye chalyuu ji'i̱ ya si cua'a̱ jyaca̱ ya ji'i̱ cha' nu nchcui' nu'u̱ ―nacui̱―.

Na' laca̱ nu cha' tso'o nu caja ji'i̱ ñati̱ ―nacui̱ Jesús―. Ngutu'u na' nde slo ycui' Ndyosi lijya̱ na' chalyuu cha' caca na' ñati̱, cha' caja ñi'ya̱ nu tyaala' ti' ngu'. Nu lo'o xñi ñati̱ cha' jna', ná nga'a̱ cha' tye chalyuu ji'i̱ ngu' bi' li'; ta na' tyucui ña'a̱ na' ji'i̱ ngu', cha' jua'a̱ caja chalyuu cucui ji'i̱ ngu'.

Ná tucui caca ñati̱ jna' si ná lo'o ycui' Ndyosi Sti na' ngua'ni cha' caca ngu' jua'a̱. Lo'o li' na' laca̱ nu cua'ni cha' tyu'ú ngu' bi' chaca quiya' lo'o cua tye ti chalyuu ―nacui̱ Jesús―.

Juani ta Sti na' sca lo cha' tso'o nu cacu ma̱ nu chañi cha' cua'ni cha' tyaala' ti' ma̱ lo'o caja cha' bi' ji'i̱ ma̱, ñi'ya̱ laca lo'o ndyacu ma̱ tyaja. Ndu'u cha' tso'o bi' ca su ndi'i̱ ycui' Ndyosi, lijya̱ bi' nde lo yuu, nda bi' chalyuu nu ná nga'a̱ cha' tye ji'i̱ ma̱.

Ta na' sca chalyuu ji'i̱ ngu' su xcui' ndyaala' tso'o ti' ngu'.

Lo'o li' ndaya' Jesús ji'i̱ xlyá bi', ndya yu xlya'be ji'i̱ ycui' Ndyosi cha' cua nda Ni na cacu ngu'. Li' ngusa'be Jesús xlyá bi', nda yu ji'i̱ ngu' nu ndyaca tsa'a̱ ji'i̱, lo'o ngu' bi' laca nu ndacha xlyá ji'i̱ ngu' quiña'a̱ bi' ca su ndi'i̱ ngu'. Lo'o cualya bi' nda Jesús cacu ngu'. Li' ndyacu ngu' ña'a̱ cuayá' nu nguaala' ti' lcaa ngu'. Lo'o cua ndye ndyacu ngu', li' nchcui' Jesús lo'o nu ngu' nu ndyaca tsa'a̱ ji'i̱ chaca quiya': ―Xuti'i̱ ma̱ lcaa yu'be nu ndyanu su ndyacu ngu' jua cha' ná chcuna' bi' ―nacui̱ yu.

Cua ndyaa lo'o ngu' nu ndyaca tsa'a̱ ji'i̱ yaca ni'i̱ ji'i̱ ngu' xi ca'yu scuá kilómetro cuayá' tyijyu', li' na'a̱ ngu' cha' lijya̱ Jesús su ndi'i̱ ngu'; cuayá' lo ti hitya ndya'a̱ yu lijya̱ yu lo hitya. Ndyutsi̱i̱ tsa ngu' lo'o na'a̱ ngu' ji'i̱ yu. Bi' cha' hora ti nchcui' Jesús lo'o ngu': ―Ná cutsi̱i̱ ma̱, na' laca̱ re ―nacui̱.