Popular Bible Verses from SAN MATEO 10

Share

’Cua'a̱ jyaca̱ ma̱ 'na: Ta na' ji'i̱ ma̱ cha' tsaa ma̱ xa' quichi̱ ñi'ya̱ si laca ma̱ xlya' nu ndya'a̱ laja bo'o tyaala; bi' cha' tii ti ti' ma̱ tya'a̱ ma̱ laja ñati̱, ñi'ya̱ nti' ndya'a̱ cuaña nu tii tsa ti'. Tso'o ti tya'a̱ ma̱, ná cua'ni tyaala ma̱ ji'i̱ ngu' tsiya' ti. Caca ma̱ ñi'ya̱ laca paloma, cha' masu tsa ni', ná tyaala ni' tsiya' ti.

La cui' jua'a̱ ngu' nu ná ndyujuii ñati̱ ji'i̱ xqui'ya cha' lye la ndu'ni tyaca'a ngu' ji'i̱ ycui' ca ti ngu', ná caja chalyuu nu ná nga'a̱ cha' tye ji'i̱ ngu' bi'; pana caja chalyuu nu ná nga'a̱ cha' tye ji'i̱ ngu' si cujuii ñati̱ ji'i̱ xqui'ya cha' jna'.

Ná cutsi̱i̱ ma̱ ji'i̱ ngu' nu cujuii ji'i̱ ma̱ nde chalyuu ti, cha' ná nchca ji'i̱ ngu' cujuii ngu' ji'i̱ cresiya ji'i̱ ma̱; tso'o la si cutsi̱i̱ ma̱ ji'i̱ ycui' Ndyosi nu cua'ni cuayá' ji'i̱ ma̱ nde loo la. Cutsi̱i̱ ma̱ ji'i̱ ycui' Ndyosi tu'ni, xqui'ya cha' cua'ni Ni cha' tye cha' ji'i̱ ma̱ tsiya' ti si tsaa ma̱ ca bilyaa.

Lo'o jua'a̱ ná taca ñacui̱ ngu' cha' na' laca̱ Xu'na ngu', si ná nti' ngu' bi' tya'a̱ ngu' lo'o na' tyucui̱i̱ nu culu'u na' ji'i̱ ngu' cha' tsaa ngu'. Ntsu'u cha' xñi ngu' tyucui̱i̱ bi', masi cujuii xa' ñati̱ ji'i̱ ngu' bi' xqui'ya cha' jna'.

’Lo'o chaca cha' ni: lcaa ñati̱ nu ntsu'u cha' ji'i̱ lo'o na', nu nchcui' cha' jna' lo'o xa' ñati̱, jua'a̱ na', chcui' na' lo'o Sti na' nu ntucua nde cua̱ cha' tya'a tso'o na' laca ñati̱ bi'. Lo'o jua'a̱ lcaa ngu' nu nchcui' lo'o xa' ñati̱ cha' ná ntsu'u cha' ji'i̱ ngu' lo'o na', jua'a̱ na', chcui' na' lo'o Sti na' nu ntucua nde cua̱ cha' si'i tya'a tso'o na' laca ñati̱ bi'.

Cua'ni ma̱ cha' tyaca tso'o ngu' quicha, cua'ni ma̱ cha' chaca quiya' tyu'ú ngu' nu cua ngujuii; cua'ni ma̱ jo'o ji'i̱ ngu' nu ndyatsu' cuaña', cha' nu xa' caca lubii cuaña' ngu' quicha bi'; culo ma̱ ji'i̱ cui'i̱ cuxi nu ngusñi ji'i̱ xa' la ñati̱. Ná ngusñi na' cñi lo'o nda na' chacuayá' ji'i̱ ma̱ cha' cua'ni ma̱ jo'o ji'i̱ ngu' quicha, bi' cha' ná cui'ya ma̱ caya' lo'o cua'ni ma̱ jo'o ji'i̱ ngu'.

Lo'o cu'ma̱ ni, quiña'a̱ tsa ntsu'u lo cu'ma̱ ca slo ycui' Ndyosi; ná stu'ba ma̱ tsiya' ti masi lo'o quiña'a̱ tsa quiñi sube. Bi' cha' ná ntsu'u cha' cutsi̱i̱ ma̱ ji'i̱ ñati̱.

’Ná culacua ti' ma̱ cha' ti̱ ti tyi'i̱ tyiquee ñati̱ chalyuu xqui'ya cha' cua lijya̱ na'. Ná caca jua'a̱. Lye la xu̱u̱ tya'a ngu' xqui'ya na'