Popular Bible Verses from SAN MATEO 2

Share

Li' ndyatí̱ ngu' ni'i̱ bi', na'a̱ ngu' ji'i̱ cubi' lo'o ji'i̱ María xtya'a̱ cubi'. Hora ti ndyatu̱ sti̱' ngu' tii bi' slo cubi' cha' cua'ni tlyu ngu' ji'i̱. Lo'o li' ngusati̱' ngu' yu'ba ji'i̱ ngu' cha' ta ngu' msta̱ ji'i̱ cubi' bi'; nda ngu' oro ji'i̱ cubi' bi', nda ngu' yana jo'ó nu quiña'a̱ tsa nga'a̱, lo'o jua'a̱ nda ngu' mirra ji'i̱ cubi' bi'. (Jua'a̱ naa sca taná yaca nu tyixi xtyi'i.)

La cui' tyempo lo'o ngula Jesús nde quichi̱ Belén, sca nu cusu' nu naa Herodes ngua loo ji'i̱ nasiyu̱ bi'. Ca loyuu su cuentya Judea, ca bi' ndi'i̱ quichi̱ Belén bi'. Lo'o li' ndyalaa xi ngu' tii nde Judea bi'; ngutu'u ngu' tii bi' xa' quichi̱ nde su ntyucua cuichaa, lo'o li' ndyalaa ngu' quichi̱ Jerusalén. Nchcui' ngu' tii bi' lo'o ngu' nu ndyacua tya'a lo'o ngu' tyucui̱i̱: ―¿Macala ndi'i̱ cubi' nu ngula tsubi' ti bi'? ―nacui̱ ngu'―. Rey ji'i̱ cu'ma̱ ngu' judío laca cubi' bi' ―nacui̱ ngu'―. Cua na'a̱ ya cuii cucui nu ndacui cua̱ cuentya ji'i̱ cubi' bi', bi' cha' ndyalaa ya ca nde cha' cua'ni tlyu ya ji'i̱ cubi' bi' juani.

Tso'o tsa ntsu'u tyiquee ngu' ña'a̱ ngu' cuii bi' chaca quiya'.

Nu lo'o ndyaa ngu' caja' ngu', li' nchcui' xcalá ngu'; nchcui' ycui' Ndyosi lo'o ngu' laja xcalá cha' nga'aa tsaa ngu' slo rey Herodes bi', cha' cuiñi tsa yu. Bi' cha' ngusñi ngu' xa' tyucui̱i̱ cha' xtyu̱u̱ ngu' tyaa ngu' quichi̱ tyi ngu' chaca quiya'. Nu lo'o cua ndu'u ngu' tii ndyaa ngu' quichi̱ tyi ngu', li' nchcui' xcalá José. Ndyu'u tucua sca xca̱ ji'i̱ ycui' Ndyosi slo yu laja xcalá, nchcui' lo'o yu li': ―Que ti' nu'u̱ ―nacui̱ xca̱ ji'i̱ José―. Tyatu̱ nu'u̱, xna clya nu'u̱ ―nacui̱―, tsaa lo'o nu'u̱ ji'i̱ xtya'a̱ cubi' tyijyu' nde loyuu su cuentya Egipto. Tyi'i̱ ma̱ cajua ña'a̱ cuayá' nu cacha̱' hi̱ cha' tso'o tya̱a̱ ma̱ nde nasiyu̱ re chaca quiya'. Tyaala tsa rey Herodes bi'; cua ca̱a̱ ti yu quichi̱ re cha' clyana ji'i̱ cubi', cha' cujuii ji'i̱ cubi' nti' yu.