Popular Bible Verses from San Juan 17

Share

Basyareni con xtiidxlu, sa'csi xtiidxlu najc didxguliipac.

Redee rajp yäḻnabajṉ par tejpas; numbeereni luj ni najc tejtis GuebDios, näjza narä Jesucrist nani baxhaḻlu lo guedxliujre.

Dina guiniabä xcuent laatisreni, rniabäza xcuent guiraa renani churu chalilajz xtidxä ni gusule'reni. Rlazä gun guiraareni tejsi xhigab, sigajc ni rujnlu, Xtadä, si'c runäza; te sigajc ni yu'äza con luj, sigajcza chureni con nuurnu, te gacbee rebeṉ guedxliuj luj baxhaḻlu narä.

Dina guiniabä cuäälureni lo guedxliujre, rniabä gudzucajlureni loj beṉdxab.

Yäḻrnibee ni baniidxlu loä, lagajc yäḻrnibeega badedä lojreni te gunreni tejsi xhigab, si'cni riennu tejsi xhigab. Narä cayunnää́reni dzuun, luj cayunnäjlu narä dzuun, te jiennu tejsi dzuun, te gacbee rebejṉ guedxliuj luj baxhaḻlu narä, luxh sanälajzlureni si'cni sanälajzzalu narä.