Popular Bible Verses from San Lucas 11

Share

No dakayo, idinto a dakeskayo, ammoyo ti mangted iti naimbag kadagiti annakyo, dinto ket ad-addan ti pannangted ti Ama sadi langit iti Espiritu Santo kadagiti agdawat kenkuana!”

“Ibagak ngarud kadakayo: Agdawatkayo ket maikkankayto. Agsapulkayo ket makabirokkayto. Agtugtogkayo ket mailukatto kadakayo ti ruangan.

Ta ti amin nga agdawat, maikkan. Ti agsapul, makabirok. Ti agtugtog, mailukatto kenkuana ti ruangan.

Kinuna ni Jesus kadakuada, “No agkararagkayo, kastoy ti kunayo: ‘Amami, Madaydayaw koma ti nasantoan a naganmo; Umay koma ti Pagariam.

Pakawanennakami kadagiti basbasolmi, Ta pakawanenmi met dagiti amin a nakabasol kadakami. Dinakam iturong iti nakaro a pakasuotan.’”

Itedmo kadakami ti taraon a masapulmi iti inaldaw.

“Dagiti matam ti pannakasilaw ti bagim. No nasalun-at dagiti matam, nalawag ti entero a bagim. Ngem no saan a nasalun-at dagiti matam, nasipnget ti entero a bagim.

“Awan manggangat iti pagsilawan sana ilinged wenno kaluban. Iparabawna ketdi iti nairanta a pagsaadanna tapno makita dagiti tattao ti lawagna apaman a sumrekda iti balay.