Popular Bible Verses from San Lucas 13

Share

“Aramidenyo ti kabaelanyo a sumrek iti nailet a ruangan, agsipud ta adunto ti agtarigagay a sumrek ngem didanto makastrek.

Adda babai sadiay a sangapulo ket walo a tawenen a linuganan ti dakes nga espiritu. Nagbalin a kubbo ket pulos a di makatakder iti nalinteg. Idi makita ni Jesus ti babai, inayabanna. “Naimbagankan iti sakitmo!” kinuna ni Jesus kenkuana.

Impatay ni Jesus dagiti imana. Dagus a nagtakder ti babai a sililinteg ket nagdaydayaw iti Dios.

“Kitaenyo, adda dagiti maudi ita nga umunanto, ket adda dagiti umuna ita a maudinto.”

“Inton tumakderen ti ama ti familia tapno mapanna irikep ti ruangan, mabatikayto iti ruar. Uray agtugtogkayo ket kunayo, ‘Apo, ilukatmo man ti ruangan,’ isungbatnanto kadakayo, ‘Diak ammo no taga-anokayo.’

Saan! Ibagak kadakayo a no saankayo nga agbabawi kadagiti basbasolyo, mataykayto amin a kas kadakuada.”

Isungbatnanto manen, ‘Diak ammo no taga-anokayo. Umadayokayo kaniak, dakay amin a managdakdakes!’

Sinaludsod ni Jesus, “Ania ti kayarigan ti Pagarian ti Dios? Ania ti mabalinko a pangipadaan? Kastoy ti kayariganna: mangala ti maysa a tao iti bukel ti mostasa nga imulana iti minuyonganna. Nagtubo ket nagbalin a kayo, ket nagumokan dagiti tumatayab dagiti sangsangana.”