Popular Bible Verses from San Lucas 6

Share

Mangtedkayo ket ikkannakayto met ti Dios: sukat a naan-anay, nasedsed ken agliplipias ti maipasab-okto kadakayo. Ta ti pangrukodyo iti sabali isunto met la ti pangrukod ti Dios kadakayo.”

Iruar ti naimbag a tao dagiti naimbag nga adda iti pusona, ket iruar met ti dakes a tao dagiti dakes nga adda kenkuana. Ta isawang ti tao dagiti linaon ti pusona.”

Saan a kasta ti aramidenyo! Ayatenyo ketdi dagiti kabusoryo ket ipaayanyo ida iti imbag. Agpabulodkayo, ngem diyo namnamaen a masupapakankayo. No aramidenyo dagitoy, dakkelto ti gunggonayo ket annaknakayto ti Kangatoan. Ta naasi ti Dios kadagiti di makaammo nga agyaman ken kadagiti managdakdakes.

Masapul a manangngaasikayo a kas ken ni Amayo a manangngaasi.”

“Diyo ukomen ti padayo a tao tapno dinakayto met ukomen ti Dios. Diyo ilunod ti padayo a tao tapno dinakayto met ilunod ti Dios. Mamakawankayo ket pakawanennakayto met ti Dios.

“Ngem ibagak kadakayo nga agdengdengngeg kaniak: Ayatenyo dagiti kabusoryo ket ipaayanyo iti imbag dagiti manggura kadakayo. Bendisionanyo dagiti mangilunod kadakayo ket idawdawatanyo dagiti mangidadanes kadakayo.

Aramidenyo kadagiti tattao ti kayatyo nga aramidenda kadakayo.

No adda mangtungpa iti maysa a pingpingmo, patungpam pay ti bangir. No adda mangala iti kagaymo, bay-am nga alaenna pay ta badom. Ikkam ti siasinoman a dumawat kenka, ket no adda mangala iti sanikuam, dimo paisublin.

“Saan nga agbunga ti nasayaat a kayo iti dakes. Saan met nga agbunga ti dakes a kayo iti nasayaat.

Mailasin ti kayo babaen iti bungana. Awan mapuros nga igos kadagiti sisiitan, wenno maburas nga ubas kadagiti kalkalunay.