Popular Bible Verses from San Marcos 5

Share

“Anakko,” kinuna ni Jesus iti babai, “pinaimbagnaka ti pammatim. Inkan a sitatalna ket saanton nga agsubli ti sakitmo!”

Adda sadiay idi ti maysa a babai a sangapulo ket dua a tawenen nga agsagsagaba iti panagbulos ti dara. Nupay adun ti nangag-agas kenkuana, ket nagastonan ti amin a kuartana a pinagpapaagas, saan nga immimbag, no di ket kimmaro ti sakitna.

Sinagidna ti kagay ni Jesus. Dagus a simmardeng ti panagbulos ti darana ket nariknana nga immimbagen.

Iniggaman ni Jesus ti ima ti balasitang sana kinuna: “Talita, kum!” (Kayatna a sawen, “Balasitang, bumangonka!”)

Madama pay la nga agsasao ni Jesus idi dumteng dagiti naggapu iti balay ni Jairo. “Natayen ti anakmo,” impadamagda ken ni Jairo. “Apay a ringgorem pay laeng ti Maestro?” Saan nga inkaskaso ni Jesus ti imbagada ken ni Jairo. Kinunana ketdi kenkuana, “Dika agdanag. Papigsaem ketdi ti pammatim.”

Sinaona daytoy gapu ta kinuna ni Jesus kenkuana, “Dakes nga espiritu, rummuarka iti daytoy a tao!”) “Ania ti naganmo?” sinaludsod ni Jesus. “‘Armada,’ ta adukami,” kinuna ti lalaki.