Popular Bible Verses from SAN LUCAS 5

Share

Ihcuac otlan tlahtolo, omoluic in Simón: ―Xicnehnemiti in barco canin ocachi huehcatla huan xictlasacan namomatlau ic nanmichtemosque.

In Simón otenanquilic: ―Tlamachtiyani, nochin yohuali tinemihque huan ahmo tlen ticahsitohque. Tla ijcon monequi, tiyasque oc sepa tictlasasque in matlatl. Ihcuac ijcon oquichiuque, Simón ihuan itlaquehualuan oquinquitzquihque miyac michten huan opeuca tzomoni in matlatl.

Huan Jesús omosecninuilohuaya canin ahyac aquin, huan ompa omoyolmachtilohuaya.

Ahmo onihuala ica inon cualten, tlahmo ica in tlahtlacolyohque, huan ijcon mamoyolcuepacan.

Ic oquitac inin, Simón Pedro omotlancuaquetz teixpa in Jesús huan oteiluic: ―Manechcahualo, Notecohtzin, tleca nitlahtlacolyo.

In Jesús omonanquilihque: ―In aquin yichihchicahuaque huan cualten ahmo quinequihque in tlapahtiyani, tlahmo san in cocoxcamen.

Ihcuac oquinquixtihque atlatentli in barcos, oquincauteuque huan otecuitlapanuihque in Jesús.

Ihcuac in Jesús oilohuaya ipan se altepetl, oteahsito se cocoxqui ica in pahpalanilistli. Ic oteitac in Jesús, omixtocac ic omotlancuaquetz teixpa huan otetlatlautic: ―Notecohtzin, tla nechpahtilos. Oncan Jesús omomachili ica in teman huan omoluic: ―Tleca in tlahmo. Xipahti. San ic omihto, oquis inon cocolistli.

Huan in tetenehualoca in Jesús ocachi ohueyixtaya huan omosentlaliyayahque miyacten ic tecaquisque huan ic mamopahtican oc sequin cocoxcamen.