Popular Bible Verses from JOAN 11

Share

Junak ju'u Jesus iniau: ―Ineponee juna'a, ju'u kokkoarim nasuk yee jiabijtetuaka, jiba yuu jiapsiwamta yetet utuane. Junuen, wa'a nee sualeme, kia mukiataka juni'i, juna'a juchi jiapsine. Intok jabetaka juni'i, ketun inim jiapsaka intok nee sualeme, ini'i, jakwoo juni'i ka mukne. Jaisa empo inika'a suale ja'ani ―ti au jiiak.

Taa ju'u Jesus iniau: ―Jaisa inepo, juka' Liojta betana tua eiyaawatchika, a jita a' joa'uta em a' bitnee'uta, ka eu teuwaala ja'ani. Inika'a enchi a' sualeo ―ti au jiiak.

Junak ju'u Jesus bwaanak.

Ju'u Jesus inika'a ju'uneiyaakai: ―Ini'i ko'okoa, ka aapo'ik a' mukne' betchi'bo weye. Ala ini'i, juka' achai Liojta tua si'imeku a' eiyaawachiaka'uta a' bitna' betchi'bo. Intok ketchia, inia ko'okoata betchi'bo, juka' Liojta usiwaita, si'imeku a' eiyaawachiaka'uta a' bitna' betchi'bo ―ti jiiak.

Chukula, inika'a teuwaasuka, kusisi nokaka: ―Laasaro, junum a'abo yeu weye ―ti jiiak. Ju'u intoko mukia tuka'u, yeu siika, mampo intok wokpo tajo'orimmea biijti takai. A' pujbat intok ket tajo'orimmea bi'iti takai. Ju'u Jesus inimmeu: ―Tajo'orim em a' woitaria, a' weene' betchi'bo ―ti ameu jiiak.

Jesus, juchi tua jiapsipo a' juiwaka, jum tetapo wojo'orita ya'ariu ruktek. Ini'i, senu kau tejtukan. Intok ini'i, senu bwe'u tetae pattitukan.

Che'a chukula ju'u Jesus a' majtimmeu: ―Ju'u itom aamak tutu'ika itom eiyaa'u, Laasaro' teame koche. Taa ineponee aman sika a' busa'ane ―ti ameu jiiak.