Popular Bible Verses from LUUKAS 19

Share

Bwe'ituk ju'u inim emo benasi yoeme, inim jume' ka tu'ikut emo ta'arulame, juname'e jaiwaka intok am jinne'ubaeka yebijlaa ―ti jiiak.

Inime'e inen jiakai: ―A' alleetuawaka a' yo'orinaa'u au lutu'uriatune, ju'u che'a yo'o ya'ari, achai Liojta betana lutu'uriaka a'abo weyemtawi. Teekau jiapsammeu yuma'isi ka jain eewame aune. Intok che'a bepa Liojta a' yo'orinaa'u jiba au aune ―ti jiakai.

Ju'u Jesus intok inen au jiiak: ―I'an inim jo'araapo jiapsammeu yuumak ju'u am jinne'unaa'u. Beja ini'i yoeme su ket, ju'u Apra'amtuka'utat betana yoemiammet yeu simria ―ti jiiak―.

Junama'a ju'u Jesus wa'am weyeka, jikau bitchuk intok: ―Sakeeo, lauti ko'om chepte. Bwe'ituk i'an nee em jo'aapo tawaabae ―ti au jiiak. Junak intok ju'u Sakeeo' teame, lauti ko'om cheptek. Intok tua alleaka, Jesujta a' jo'aau a' mabetak.

Junak ju'u Sakeeo, kikteka intok ju'u yo'owe Jesukrijtotau: ―A' bitnee achai. Si'imeta juka' tu'ik in jipue'uta, nasuk'aman nee jume' jiokot jiapsammet nee a' na'ikimtene. Intok inepo jabeta bai ta'aaka, jita a' etbwarialatuko, junae betana, naikisi che'a bepa nee a' nottane ―ti au jiiak.

Junak intok waate paiseeom, inime'e ama bu'uurata nasuk kate'um: ―Yee majtame, inime'e emak eaka inim kateme, am nok yaatituane ―ti Jesujtau jiiak. Taa ju'u Jesus inime'e yoopnak: ―Ineponee emou inen jiia, inime'e junuen yaateko, jume' tetam chaaine ―ti jiiak.