Popular Bible Verses from LUUKAS 23

Share

Juka' Jesujta, jaibu kuuset a' poponwao: ―Achai, am jiokoine, bwe'ituk inime'e ka ju'uneaka juka' bem joa'uta a' jooa ―ti jiiak. Intok jume' sontaaom, aapo'ik Jesujta tajo'orita nat na'ikimte betchi'bo, amet nau ja'atek.

Ju'u Jesus iniau: ―Lutu'uriapo ne eu inen jiia, tua i'ani, jum Liojta yoemiam che'a bat yaaja'u, em nemak ama annee'u ―ti au jiiak.

Junak aapo: ―Jesus, neu waatine, chukula empo che'a yo'otaka nesau taiteko ―ti jiiak.

Junak intok ju'u Jesus, kusisi inen chaaek: ―In yo'owa Lios, in jiapsita nee em mampo su'u toja ―ti jiakai. Inika'a intok teuwaaka, muukuk.

Junak bempo jum Mukia koba' tea'u yajakai, junama'a juka' Jesujta kuuset poponak. Intok ketchia jume' woika ka tu'ik ya'arika aamake. Senu a' batatana, senu intok a' miko'otana.

Junama jumak jaibu luula yejten. Junak intok si'imekut junama'a ka machika taawak. Ini'i junuen kupteo, bajim jia'u tajtia ka machikai. Ju'u ta'a juni'i ka tachiriaka taawak. Jume' intoko, jum Liojta te'opopo jume' bwe'u tajo'orim ammea a' pattituka'um, inime'e nanana'aku nasuk, jikat naateka, ko'om tajtia siutek.

Junak ju'u Romapo betana, junama sontaaommeu ya'ut, si'imeta juka' ama yeu sikamta a' bitchukai, Liojta yo'orek inen jiakai: ―Lutula wee'po, ini'i yoeme, kaita ka tu'ik ya'ariakan.