Popular Bible Verses from John 12

Share

Amìı segha eghàlaeda ha nıwǫǫ sìı sek'è-eetła ha hǫt'e; edı̨į̀ whıhdaa sìı secheekeè ededı̨ sı ekǫ wheda ha. Dǫ segha eghàlaedaa sìı Setà yets'ǫ̀ nezı̨į̀ eghàlaeda ha hǫt'e.

Dǫ edınì k'ę̀ę̀ eda ha nıwǫǫ sìı wedıhołè ha, ekò dıı nèk'e dǫ edınì k'ę̀ę̀ eda ha nıwǫ-le sìı welǫ whìle ts'ǫ̀ eda ha.

Ehkw'ı anaxèehsı̨, jìe dèè k'e nàekw'o xè ełaàwı lenǫsıı ı̨łaà jìe ı̨łè zǫ elı̨ hǫt'e. Hanìkò ełaàwı nı̨dè wets'ǫ jìe łǫ naeshe ha.

Dzęh lanıı dıı nèk'e ts'ǫ̀ ahjà, amìı wegha ehkw'ı aehsı̨ı̨ sìı wexè togoòtł'òo ha nıìle.

“Dǫ seyatıì ıìkw'o, hanìkò yek'ę̀ę̀ eda-le sìı sı̨ wesınìyahtı ha nıìle. Dǫ sınìyahtı ha dıı nèk'e ts'ǫ̀ ahjà nıìle, dǫ edaxàgehłe gha ahjà.

Mary yìk'eetł'òo dètìı nıyı̨ı̨xè; Zezì wekè k'e nałayeèdo gà edekwìghà t'à yekè deɂeedı. Eyı kǫ̀ goyìı hazǫǫ̀ ts'ǫ̀ yìk'eetł'òo łekǫǫ łedì ajà.

ɂorı k'egele xè gınìhdǫǫ̀ geède. Yagìzeh xè hagedı, “Hosanna! Gots'ǫ̀ K'àowo wedahxà nììtłaa sìı wexè sìghà welè!” “Israel got'ı̨į̀ gha K'àowocho wexè sìghà hǫt'e,” gedıì yagìzeh.

Zezì hagòhdı, “Hòt'a Dǫ-wet'àaɂàa-deè wexè enıìyah nàhòwo ha nìkw'o.