Popular Bible Verses from John 19

Share

Zezì yaazea wewàhǫǫdì ajà tł'axǫǫ̀, “Hòt'a enahǫ̀t'e,” hadı, eyı tł'axǫǫ̀ wekwì ı̨zhıì ajà gà ełaı̨wo.

Sìghaı̨waà tł'axǫǫ̀ Zezì hadı, “Tı waehwhı.” Hòt'a t'asìı hazǫǫ̀ weghàlaedà, eyıts'ǫ Nǫ̀htsı̨ Nı̨htł'è k'ę̀ę̀ agode ha yek'èezǫ t'à, “Tı waehwhı,” hadı.

Zezì edemǫ ghàı̨dà eyıts'ǫ wecheekeè ı̨łè yeghǫneètǫǫ sìı eyı sı ghàı̨dà ekò, Zezì edemǫ ts'ǫ̀ hadı, “Ts'èko, dıı neza welè,” yèhdı. Eyıts'ǫ edecheekeè ts'ǫ̀ hadı, “Dıı nemǫ welè.” Hayèhdı gots'ǫ eyı wecheekeè sìı Zezì wemǫ edekǫ̀ nàdè ayį̀į̀là.

Zezì ts'ǫ̀ nègı̨ı̨de ekò hòt'a ełaı̨wo ı̨lè nǫǫ̀ gıaɂı̨, eyıt'à wedzaà nàgı̨ı̨zhì-le. Hanìkò eghǫǫ-dǫǫ̀ ı̨łè behkà t'à Zezì wechǫǫ̀ ghàı̨hgè. Hanì et'ıì edoò eyıts'ǫ tı sı xàètł'ı.

Nǫ̀htsı̨ Nı̨htł'è k'e dıı hanì dek'eèhtł'è: “Wekw'ǫǫ̀ ı̨łàet'ee wı̨ı̨zìı nàtį̀ ha-le,” eyıts'ǫ dıı hanì sı dek'eèhtł'è, “Eyı dǫ gıghaı̨hkoo sìı gıghàeda ha,” dek'eèhtł'è. Nǫ̀htsı̨ Nı̨htł'è k'e dànì dek'eèhtł'èe sìı wek'ę̀ę̀ agode ha t'à, eyı hazǫǫ̀ hagòjà hǫt'e.

Zezì edets'ǫ dechı̨et'aa nayatı̨į̀ agı̨į̀là, shìh Dǫkwìkw'ǫǫ̀ gòyeh ts'ǫ̀ nayatı̨. (Aramaıc got'ı̨į̀ gıyatıì k'ę̀ę̀ Golgotha gòyeh.)

Eghǫǫ-dǫǫ̀ ı̨chį̀ghoò degeètł'ı̨ t'à kwìt'ıì gèhtsı̨ gà Zezì wekwì k'e nègeèchì. K'àowochoɂeè dek'o-dezǫǫ yìı gı̨ı̨htı̨