Popular Bible Verses from Luke 14

Share

“Amìı sets'ǫ̀ at'ı̨ı̨ sìı edetà, edemǫ, edets'èkeè, edeza, edechı eyıts'ǫ ededè wegha gıdę ha hǫt'e. Ededı̨ kò edeghǫ nànıwo ha-le. Dǫ hade ha dìì sìı secheekeè elı̨ ha dìì.

Amìı edechı̨et'aà sek'èè nayatı̨-le sìı secheekeè elı̨ ha dìì.

Dǫ wet'àaɂàa edeewǫǫ sìı į̀į̀zhaelı̨į̀ awedle ha, eyıts'ǫ amìı k'èeweèt'ı̨ k'ę̀ę̀ edaa sìı wet'àaɂà awedle ha,” Zezì hadıì dǫ xè godo.

Eyı lanì, t'asìı hazǫǫ̀ naxıgha wedę lenǫsıı secheekeè aahłı̨ ha dìì.

“Dǫ kǫ̀ danı̨ı̨dèe gohtsı̨ ha nıwǫ nı̨dè t'akwełǫ̀ǫ̀ kǫ̀ dànìı̨htìı sìı yesǫǫ̀mbaà naehtà ha-le nì? Kǫ̀ ghǫ nǫǫt'e ha asį̀į̀ sǫǫ̀mba deghàà whehła? Kǫ̀ yetł'a nèyı̨ı̨tǫ tł'axǫǫ̀ kǫ̀ ghǫ nǫǫt'e ha dìì nı̨dè dǫ gıghàedaa sìı gıghaedlò ha. Dıı hagedı ha, ‘Eyı dǫ kǫ̀ gohtsı̨ xèhoį̀hwho, hanìkò yeghǫ nǫǫt'e ha dìì,’ gedı ha.

Hanìkò nàsı̨ hoı̨htsı̨ nı̨dè dǫ etegeèt'ı̨ı̨, dǫ k'egedè-le, dǫ gıdaà goìlee, dǫ hanıı gıkàı̨hɂà. Hanejà nı̨dè nexè sìghà agode ha. Ek'èt'à neghǫ̀geedì ha dìì kò nǫǫde dzęę̀ k'e dǫ ehkw'ı geedaa sìı nagìdà nı̨dè ek'èt'à nets'àɂeedì ha hǫt'e,” Zezì yèhdı.

“Dewa sìı nezı̨ hǫt'e, hanìkò dewa łedì-le ajà nı̨dè dànì k'achı̨ łedì anajà lì? Eyı dewa łedì-le sìı t'asìı gha nezı̨ nıìle t'à xàahtł'ì. “Amìı wedzıì gǫ̀hłı̨ı̨ sìı eèhkw'ǫ welè,” Zezì gòhdı.