Popular Bible Verses from Exodus 10

Share

Nalekablo Mosese oᴋautivâ: Faraomut iterit: tâpsoma ômatinga kivgangitalo ômatingit mangaitigapkit, sakᴋijârtitsijungnarᴋovlunga nalunaikutamnik makkoninga sângane: Igvillo unipkârungnarᴋovlutit ernivit erngutavillo siutinginut piniarnernik piniarnerijamnik Egipteneme, nalunaikutaliarimajamniglo tâpkoa akorngane; ᴋaujimarᴋovluse uvangaugama Nâlegak.

Nalekablo Mosese oᴋautivâ: Aggatit isakit paunga ᴋilangmut, Egiptenib nunanga ulliktaurᴋovlugo tâksoarmut, illâ, tâktsoarmut aktortaujungnartomut. Moseselo aggane isaktipait paunga ᴋilangmut; tâᴋsoangorporlo tagva Egiptenib nunangane ilûnâne uvlunik pingasunik: Tautûtilungilat, inniminillônêt makkitoᴋangilaᴋ uvlut pingasut nâvlugit: kisiane Israêlikut ilûnnatik ᴋaumaneᴋarput iglune najortamingne.

Mosesiblo ajaupiaᴋotine isautivâ Egiptenib nunangata ᴋollâgut, Nâlekablo anore unangâk tikiutitipâ nunamut uvlok tâmna nâvlugo, unnuarlo tâmna nâvlugo, uvlângolermallo unangâb piglertaujat tikiutitipait. Piglertaujallo majoarput Egiptenib nunanganut tamânut, mipullo Egiptenib erᴋânginut tamainut; sugaluluadlarput; sivorngatigut taipkutitunak piglertaujaᴋalulaungilak, kingorngatigullo pijoᴋartuksaungilarlônêt.