Popular Bible Verses from Exodus 15

Share

Oᴋarlunelo: Nâlekab Gûdivit nipinga nâletsiaromagungne, piniaromavlugillo tâpsoma sângane idluarijaujut, siutit manijomagungne tâpsoma perᴋojanginut, maligaksaurᴋojangillo maligomagungne, ilijivigijomangilagit ᴋanimaserit nalianiglônêt tikitilauktamnik Egiptenemiunut: Uvangaugama Nâlegak inûliklertît.

Nâlegak sôngonerivara imgerutigilugolo piulijigilâllo; tâmna tagga Gûdiga, iniksalioromavaralo; atâtama Gûdinga, nertudlaromavaralo.

Kina Gûdit akorngane iliktut-ikâ, Nâlegak? Kina iliktut-ikâ, inornadlarlune ivsornainerme, sivôranadlarlune nertoraksauvlune, tatamnartulivlunelo?

Nâpkiningnerne inuit piulijatit tasiorpatit: aulapatit pitsartunerne innigijarnut ivlernadlartomut.

Tikinamiglo Mâramut, Mârab imangit imerungnangilait sungarnimata; tamanna pivlugo nuna tamanna atserartauvok Mâramik (sungarnitomik). Inuillo Mosese oᴋarnerlûtivât, oᴋarlutik: Sumik imerniarᴋitâ? Tâpsomalo Nâlegak ᴋaigarsugvigivâ, Nâlekablo unertutivâ napârtomik, tâmnalo egigamiuk imermut, imek mamaktungortitauvok. Tagvane perᴋojaliorpait maligaksaliorlugillo, tagvanelo ôktorpait