Popular Bible Verses from Genesis 11

Share

Nâlegarlo oᴋarpoᴋ: Tagga, inugasaksuit atausiovut adsigêktuniglo oᴋauseᴋarlutik; tamannauvoᴋ piniarningita pigiarningat, mânamillo pinasuarningit agviarlugit ajornarniarpoᴋ. Attê, aᴋᴋalauᴋta kanunga, oᴋausingit adsigêgungnairtilugit, aipâ aipame oᴋausinginik tukkisijungnairᴋovlugo.

Oᴋarpullo: Attê, iglugasaksoarnik sanalauᴋta nuvuguseᴋsoarmiglo, nuvua aktuatilugo ᴋilangmut, erᴋanartiluta, siamartitautailivlutalo nunanut tamainut.

Tamanna pivlugo Bâbelemik atteᴋarput, Nâlekab tagvane inuit ilûnatik oᴋausingit adsigêgungnairtingmagit, tagvangallo Nâlekab siamartingmagit nunanut tamainut.

Nunamiullo ilûnamatsiatik ingmigolingajunik oᴋauseᴋaratik oᴋauseᴋarput adsigêktunik.

Tagva Nâlegaᴋ aᴋᴋarpoᴋ, iglugasaksuit nuvuguseᴋsoarlo takojartorlugit, inuit ᴋitorngangita senajangit.

Nâlekablo inuit tagvangat siamartipait nunanut tamainut, igloliorungnairpullo iglugasaksoarnik.