Popular Bible Verses from Genesis 37

Share

Josefelo sinnaktômanermik sinnaktômangmat ᴋatangutiminut oᴋautigivlugo, anginersamik omigivât.

Israêlible Josefe nagliginersarivâ ᴋitorngaminit tamainit, inutoᴋaunermine ernertârigamiuk, taᴋsapatâmiglo annorâᴋartipâ.

Katangutingitale malugigamitsuk atâtanganut nagliginersarijaujoᴋ katangutinginit tamainit, omigilerpât illanârnartomiglo oᴋarvigivlugo sapperpât.

Aipanganik sinnaktômavoᴋ kingorngane, ᴋatangutiminullo unipkautigivâ, oᴋarlune: Okoᴋsê, aipanganik sinnaktômavunga: seᴋinerublo taᴋᴋerublo uvloritjallo 11 okkungavigivânga.

Katangutingitalo sinaungagivât, atâtangatale oᴋautsit tamakkoa torᴋorpait.

Imâk oᴋautingmagit: Sinnaktômanera tussalauᴋsiuk sinnaktômanerijara. Perorsêvimgmêdluta ivingnik ᴋippitaksaujunik ᴋippitsivogut; sunaubvalo, ᴋippitakka ingmingnik makilerput nangerlutiglo; avatânêdlutiglo ᴋippitapse ᴋippitakka okkungavigivait.

Attê, toᴋolaulavut, itersaliat illanganut egidlugo oᴋautigivlugolo ômajoâlungmut nerrijaumajoᴋ. Sinnaktômaningita sunauningit takuksauniarput tagva.

Niuverniartille tâpkoa Midianiterit sennerᴋongmatta Josefe amuvât itersaliamit ᴋaᴋitilugo niorvgutigilâllo Ismaêliterinut kênaujanik 20nik akkeᴋartilugo. Tâpkoale Josefe Egiptenemut naksarpât.

Oᴋarᴋatigêklutik: Takkuitse, sinnaktômasôᴋ tamaungalerpoᴋ.

Tâpkoale ungasiktomit takogamitsuk, tikkilerᴋârtinago issumaksarsioᴋatigêlerput toᴋotsomavlugo

Oᴋarivorlo Rubene: Aungmik kovisiniarase, itersaliamulle mattomunga inuᴋangitomêtomut egisiuk, aggapsingnulle pijauniarane! — agganginit piulinasuarlugo atâtanganullo uttertinasuarlugo.