Popular Bible Verses from Genesis 39

Share

Nâlekablo Josefe aiparivâ, angutaulerporlo piloriktoᴋ, angajoᴋâme Egiptenemiub iglunganêdlune.

Taimaimat perᴋutine tamaita pitipait Josefib agganginut, nangminerlo sunalônêt kamagijungnailerpâ, taimna pitilugo; nerᴋiksaᴋ kissiat nerrijaksane (kamagivâ). Josefelo taututsiarikpoᴋ kênatsiariklunelo.

Parngnanairsimaviublo angajoᴋângata parngnanairsortaujut tamaita Josefemut pairijaurᴋovait, tamaitalo sulijaksangit tagvane tâpsoma suliarivait.

Angajoᴋângatalo Josefe tiguvâ parngnanairsimavingmut pitilugo, attanerub parngnanairsortaurᴋojangita parngnanairsimavianut. Tagvanêlerporlo parngnanairsimavingme. Nalekable aiparivâ pitsiarvigivlugo saimaneᴋsitilugolo parngnanairsimaviub angajoᴋângata sângane.

Taimailingatilugo ovatsiarôlermat, angajoᴋângata nuliangata Josefe takonârpâ ikligunermut, oᴋarlunelo: Tuttilaunga! Kunuvorle, oᴋautivlugolo angajoᴋâme nulianga: Takovotit, angajoᴋâma iglome sunalônêt kamagijungnairmago pitilunga, perᴋutinelo tamaita aggamnut pitingmagit. Uvamnit anginersaujoᴋangilaᴋ iglome mattomane, ivlersilungilarlo sunamiglônêt uvamnut, illingnik kissingnik, nuliarigamitit. Kappianarmêk, ajortoᴋsoaᴋ tamanna piniarajarupko Gûdemut ajortulivlunga!

Uvlullo illangane Josefe iglomut itermat sulijaksane piniaromavlugit, inuᴋangilaᴋ tagvane iglome iglub inungita illanganiglônêt. Tagva annorângagut tiguvâ oᴋarlune: Tuttilaunga-ai? Kissiane annorâne agganginut ᴋemaklugo sillamut ᴋemâvoᴋ.