Popular Bible Verses from Genesis 6

Share

Tagva Nâlegaᴋ ᴋaᴋᴋialerpoᴋ, inuit pingortigamigit nuname, ômatimigullo kiksarutigivâ.

Nalegarle takovoᴋ inuit uivêtoᴋsôninginik nuname, ômatingitalo issumangita sanajangit idluênarmatta ᴋaut tamât.

Noale saimaneᴋsivoᴋ Nâlekab ijîgingne.

Tamadja unipkautsit Noamik: Noa angutauvoᴋ idluartoᴋ, pidlaraksausuertoᴋ inôᴋatime akornganne; Gûde aiparivlugo Noa arvertarpoᴋ.

Nâlegarlo oᴋarpoᴋ: Inuit pingortitakka pêjaromavakka nunamit inuillo nergjutillo pâmgortullo tingmitjallo aglât ᴋilaub atânêtut, ᴋaᴋᴋialerama pingortigapkit.

Inuille unuksivallialermatta nuname panniktârmattalo, Tagva Gûdib erningita inuit panningit ᴋemergolerpait pinnarnarasugivlugit, annerijamiglo nallît nuliarivait. Tagva Nâlegaᴋ oᴋarpoᴋ: Anernera inungnêtsainaromângilaᴋ, uviniongmatta illa; nalliata uvluksangit tagva jârit 120 Taipsomane nuname inukpaᴋarpoᴋ kingornganelo, Gûdib erningita inuit panningit nuliarigamigit ᴋitorngaᴋarlutiglo tâpkonangat; tamadja pitsartujoᴋsuit itsaᴋ tussaumajaudlartut.

Noablo Gûdib perᴋojangit tamaita nâlatsiarlugit piniarutigivait.

Tagva Gûde Noamut oᴋarpoᴋ; Uvinilît ilûnamatsiatik naggatiksangat nalliutivoᴋ uvamnut, nuna idluitulinermik tatamat, ahâk, asseroromavakka nuna illagivlugo.

Illingnut umiaᴋsoaliorit pingermik, takamanelo iglunik sanavlutit, kutsorlugolo kutsumik illuagut sillatâgullo.

Tagva Gûdib nuna ullernaigivâ, sunaubva asserorsimavoᴋ, uvinilît ilûnamatsiatik apᴋutigijatik asserormattigik nuname.

Umiaᴋsoarmullo itertitsijuksauvotit ômajut ilûnatik nerᴋelît illanginik, attunit aiparêngnik angumiglo arnamiglo toᴋotailititaurᴋovlugit ilingnêdlutik.